Championat.asia sayti ma'lumotiga ko'ra, polshalik markaziy himoyachi Kristian Novak yozgi transfer oynasi vaqtida "Andijon"ga ko'chib o'tadi.
1994 yilda tug'ilgan Novak 1.88 sm bo'yga ega. U faoliyati davomida Polshaning ko'plab klublarida, shuningdek, "Xart of Midlotian" (Shotlandiya), "Panionis" (Gretsiya), "Slaven" (Xorvatiya), "U Kluj" (Ruminiya), "Bogemian" (Irlandiya) va "Jenis" (Qozog'iston) klublarida to'p tepgan.
Bugun, 9 iyul kuni "Jenis" bilan shartnomasi yakunlandi va erkin agentga aylandi. Transfermarkt portali futbolchini 150 ming evroga baholamoqda.
