UZ

Сўнгги янгиликлар

01:51УЕФА Суперкубоги. "Реал" - "Атлетико" 2:2 (LIVE+Матнли трансляция)  52 01:46Диего Коста УЕФА Суперкубоги тарихидаги энг тезкор голни урди  0 23:55"Лестер" Магуайр билан келишиб олди  1 23:44Эррера МЮдаги ниятини маълум қилди  1 23:32"Барселона" - Жоан Гампер кубоги соҳиби!  9 23:28Сарри Контенинг "қонунларини юмшатди"  0 23:13Икардининг рафиқаси "Тики Така"да ишлайди  7 23:06"Реал" - "Атлетико". Таркиблар маълум  22 22:57Рабьонинг келажаги борасида яна бир маълумот пайдо бўлди  0 22:40Кевин Де Брюйне 3 ойга сафдан чиқди  0 22:27"Барселона" вакили Погбанинг трансфери борасида маълумот берди  0 22:12"Манчестер Юнайтед"нинг муаммоси - Моуриньо эмас  0 21:45Серхио Рамос: "Роналду нима ҳақида гапирганини билмайман"  0 21:14"Тоттенхэм" президенти Вудворд ва Газидисдан кўп даромад топди  0 20:55ПРО-лига. "A" гуруҳи. 21-тур. “Андижон” – “Хоразм” 6:1 ва бошқа натижалар  65

Андижонда 8 кун. Балки Сиз кутган мақола... Янгиликлар

Андижонда 8 кун. Балки Сиз кутган мақола...

Вазирлар Маҳкамасининг қарори асосида ташкил этилган ҳудудий академияларнинг имтиҳон жараёнларини шаффоф ўтишини таъминлаш мақсадида ЎФА томонидан Андижонга сафарбар этилдим.

Тошкент шаҳар футбол Ассоциациясида фаолият бошлаганимга бир йилга яқин вақт бўлди. Апрель ойидан эса ЎФАнинг болалар футболи бўлими раҳбари сифатида фаолиятимни давом эттираяпман. Олдиндан айтиб қўйсам, мен фақат болалар футболи бўлимида фаолият олиб бораяпман ва имкон қадар тизимни яхшилашга ҳаракат қилаяпман, комментлардаги бошқа гап сўзлар ортиқча, ПФЛга мени заррача алоқам йўқ! Келинг, болалар футболи ва водий келажаги ҳақидаги мақоламни бошқа мавзуга аралаштирмаймиз. Яна бир нарсани шу ерда такидлаб ўтишни истардим-ки, мен "CA"ни барча ишларимдан устун қўяман ва танлаш керак бўлса уйимда қоламан!


ШЎРБУЛОҚ АКАДЕМИЯСИ

Футбол интернатлари академияга айлантирилгач, структура жиҳатидан энг кучлиси ва иш жараёни тўғри йўлга қўйилганлиги бўйича биринчи рақами бўлган ташкилот айнан Шўрбулоқдагиси эди. Ишим кўплиги учун тўғриси имтиҳонларда қатнашишга вақт йўқ эди. Олдимда жуда катта мусобақа турибди. Лекин, менинг манзилим Андижон эканлигини айтишганида рози бўлдим. Бошқа вилоятлардан кўра бу ерда имтиҳон жараёни осон ва шаффоф кечишига ишонардим. 8 кун давомида, 2007, 2006 ва 2005  йилларда таваллуд топган футболчилар турли чиқишларда ўзларини кўрсатдилар. Ҳар бир ёш тоифасининг илк кунида уларни ўйин амалиётида синаб кўрдик, кейинги кунлар норматив тестлар билан давом этди. Бу йил 2007 йилда таваллуд топган футболчилар учун илк қабул бўлди. Қолган авлод вакиллари шундоқ ҳам академияда таълим олишарди. Қисқаси барчаси аъло даражада якунига етди. Ота-оналар ҳам хурсанд. Агар кимда-кимнинг фарзанди 22 футболчи қаторидан жой олмаса асло ҳафа бўлмасликлари, аксинча ўғилларининг билимларига катта эътибор қилиб, таълим томонидан мукаммал бўлиб етишишлари учун шароит қилиб беришларини илтимос қилдик. Аксар ота-оналар фарзандларини ҳолатига реал баҳо берган ҳолда, иккинчи кунга ҳам келмаганлари бўлди. Бундайларга алоҳида раҳмат айтиш керак, ҳаммада ҳам бундай журъат йўқ. 

Шу ўринда имтиҳонларни аъло кайфиятда ўтишига сабаб бўлган академия директори Насибулло ака ва унинг жамоасига алоҳида раҳмат айтган бўлардим.

"Milliy ART" ва ФУТБОЛ ЮЛДУЗЛАРИ

"Миллион"нинг собиқ вакили, бугунда "Миллий АРТ" жамоасига асос солган Отабек Холдоров билан танишиб қолдим. Андижонга, оиласи олдига келган экан. Суҳбат узоқ давом этди. Чойхонада... Чойхона ёмон жой эмас, менимча бизга мумкин. Агар чойхона ёмон жой бўлганида аллақачонлари ёпилиб кетган бўларди... Сайтимизни доимий ўқувчиси экан, "Миллион"даги Миркомил ака (дольби, дольби... Фиш, фиш нет...) мен ҳақимда анча гапирган экан. Миркомил акам билан "Ёшлар" радиоканалида бирга тажриба тўплаган эдик. Устозларимиз қаторида Норбек Ниёзов ва Камолиддин Алимовни шу ерда эслаб кетсам. Кейинчалик "Пахтакор"да ишладик. Мирзаҳаким ака қўл остида. Ққишда мендан катта курсда ўқир эдилар. Қисқаси, Отабек Бўздан экан, дадаси анча йил маҳаллий БўСМда директор бўлган, футбол мураббийи. Гавдасига қарамай, ўзи яхши тўп тепади. Биздан, Бўзда болалар футболини ривожлантириш борасида ёрдам сўради, Бекзод Каримов дўстимиз (Андижон ВА 1-Вице-Президенти) билан ўша ерни ўзида бир таклифни ўртага ташладик. ФИФА кунларидан бирида "Баркамол Авлод" стадионида маҳаллий ҳокимият билан шоу ташкил этамиз. Унда Отабекнинг дўстлари, Бахтиёр Ҳамидуллаев дўстларига қарши тўп тепадилар. Чипталар савдосидан тушган маблағга БЎСМдаги футбол мактабига сунъий майдон қурамиз. Яхши таклиф, Отабек қўшиқчи дўстларини олиб келиши ва "Миллий АРТ"нинг янги концерт дастурини намойиш этиб беришини айтиб ўтди. 

Эртаси куни эринмай Бўзга бордим. Отабекнинг дадаси билан кўришдим, бўзликлар бундан хабар топди, барча хурсанд. Энди пухта режа тузишимиз керак. Шоуда қатнаша олмасада, қолган футболчиларимиз ҳам (имкониятидан келиб чиқиб) тадбирга ўз ҳиссаларини қўшадилар деган умитдаман. Ишимиз ўхшаса бу лойиҳани Республика бўйича ишга туширамиз.

"ИСТИҚЛОЛ" - "АНДИЖОН". ЎЙИН ҚАНИ?

Ўз майдонида "Машъал"ни ютиб пешқадам бўлиб олган андижонликлар учун "Истиқлол" билан ўйин жуда муҳим эди. Аввало водий дербиси, кейин якка пешқадам бўлиб олиш учун жуда яхши имконият. Боиси "Сурхон" ўз майдонида "Шўртан"га имкониятни бой берганди. Баҳс эса соат 18:00га қўйилди. Бу жуда ёмон эди. ҳаво иссиқ, тўп тепиш имконияти йўқ. Камига иккинчи бўлимда прожекторлар ярим кучда ёқилди. 1:0 ҳисобида Тимур Султоновнинг голи эвазига "Истиқлол" ғалаба қозонди. Бу голни видеосини топиб кўриш керак. Ҳудди Роберто Карлосни Францияга урган аср голига ўхшаб кетди. Фақат тўп йўналиши четга эмас, дарвоза марказига йўналтирилган эди. Ортиқов тўпни қайтараман деб позиция бўйича ҳаракат қилиб сакраган эди, тўп бирданига ўз йўналишини 1 метрлар чамасига ўзгартирди, менимча бу гол Султоновнинг фаолиятидаги энг чиройлиси бўлди. Лекин минг афсуски, ўйинни кўриб шунга амин бўлдимки, ПРО Лиганинг савияси анча тушиб кетган. Ўйинда мазмун йўқ, на тактика, на тўғри паслар. Атайин санадим, икки жамоа ҳам 4-5та пас билан олдинга бора олмади. Шундоқ ҳам мағлубиятга учраётган "Андижон" сардори Иброҳим Отахоновни хатти-ҳаракатлари ҳам клуб учун қимматга тушди. Учрашув сўнггида "Андижон" мухлисларининг аламли танқидларида асос бор эди.


ҲОКИМ

Сизга раҳмат, Шуҳратбек Қўшақбаевич! Айни пайтда "Андижон" клубининг молиявий ҳолати бўйича ҳеч қандай муаммо йўқ. Мен миннатдорчиликни "Андижон" клуби учун айтмаяпман. ҳокимнинг ташаббуси билан Андижондаги 800дан ортиқ маҳаллаларни бирлаштирган "Ҳоким Кубоги" футбол мусобақаси давом этаяпти. Суперприз ҳам даҳшат, ютган маҳалла учун сунъий майдон қуриб берилади. Бунақасини бирон вилоятда кўрмаганмиз. Иккинчи лигани ривожлантириш йўлида ҳам анча ишлар қилинганлигини кўрдим. Бу йил 18та жамоа фаолият олиб бораяпти. Қўшақбоевич агар "Андижон" Суперлигага қайтадиган бўлса, ПРО Лигада яна битта жамоа ушлаб туришини айтибди, барчаси маҳаллий болалар учун. Ҳоким буванинг спортга бўлган муносабати аъло даражада, фақат бундан маҳаллий мутасаддилар фойдаланиб қолиши керак. Куни кеча АФАнинг биносини қуриш учун янги ер ажратилди, вилоят ўзи молиялаштирар экан. Бу ҳам болалар футболи равнақаи йўлида қўйилган олға қадамлардан бири деб биламан. Бугунги кунда Наманган ва Андижон вилояти ҳокимларининг футбол равнақи йўлида қилаётган ишларини барчамиз олқишлаймиз (ҳоким билан бир маротаба бўлсада кўришмаганман, пахта эмас бу). Энди Самарқандда ҳам аввалги футболни кўрсак ажабланмайман. "Қизилқум" ва "Сурхон"ни тиклаган Эркинжон Турдимов "Динамо"ни албатта аввалги мавқеини тиклайди.


ЎФАДАН АФАГА СОВҒА

ФИФА лойиҳаси асосида ўФА Андижон вилояти ФАсига бепул сунъинй майдон қуриб бераяпти. Умид Аҳматджановнинг ташаббуси билан вилоят ассоциацияси майдонга эга бўлаяпти. Албатта энди бу ерда мусобақалар ўтказиш имконияти ошади. ФИФА томонидан ўтказилган тендерда туркияликлар ғалаба қозонган эканлар. Майдон бугун эрта битиб қолиши керак. Яқинда бу ерда ЎФА томонидан август ойида ўтказилаётган "Мустақиллик ойлиги" дастури асосида, 2008 йилда таваллуд топган футболчилар ўртасидаги мусобақа билан кичик аренанинг очилиш маросими бўлиб ўтади.


ШИРМОНБУЛОҚДАГИ "МАҲАЛЛА ЮНАЙТЕД"

Дўстим бор, Университетда бирга ўқиганмиз. Ширмонбулоқдан. 1985 йил. 17 ёшида Андижондаги "Юность" жамоаси сафида "Навбаҳор" билан ўйинда Вадим Котельников деган футболчи билан тўқнашувда қаттиқ жароҳат олади. У пайтлар синган, синиб кетган. ҳозир ҳам 4-5та клубни айтмаса, жароҳат олган футболчи ҳеч кимга керак эмас. Айни пайтда Бокс федерациясида матбуот котиби, асфальт майдонда ҳам қайси услубида голлар урарди. Қишлоғига олиб кетди, меҳмондорчилик. Лол қолдим, ширмонбулоқ сувларини кўриб. Асма касаллигига даво жойлар мавжуд экан. Энг қизиғи олдинда эди. Мени маҳалладаги сунъий майдонга таклиф этди. 10 000 нафардан зиёд аҳолиси бор қишлоқ маҳаллалари ўртасида ҳар пайшанба тур ўйини бўлиб ўтадиган чемпионат бор экан. Бири 30 ёшгача, иккинчиси 30 ёшдан тепа бўлган маҳалла ҳаваскорлари ўртасида. Тўғриси, у ердаги ўйин "Истиқлол" - "Андижон" учрашувидан минг чандон қизиқ эди. Ҳақиқий футбол, техника, табиий жисмоний тайёргарлик. Андижондан "Камолот" жамоаси ташриф буюриб, шу куни Ширмонбулоқ ёшлар терма жамоасига қарши баҳс олиб борди. У ерда битта гол урилди-ки, уни Суперлигада ҳам кўрмайсиз. Маълумот учун ичмайман, мақола "кайф"да ёзилмаяпти :) . Ҳоким кубогида ҳам асосий давогарлардан бири айнан Булоқбоши тумани вакиллари экан. Ҳасанбой Дўстматов ҳам ўша томонлардан. Шоуда у ҳам албатта ўйнайди дейишаяпти. 




ИЗБОСКАНДА ОДИЛ АҲМЕДОВ ФУТБОЛ КЛУБИ ОЧИЛИШ АРАФАСИДА

Мана уч йилдирки Одил билан фақат бир мавзуда гаплашамиз. Қандай қилиб Водий футболини тикласак бўлади? Катталарга аралашмаймиз. Ҳамма гап 2-лигагача бўлган босқичда. Ниятимиз холис, бир кун албатта мақсадга эришамиз. Водийни кўп кездим, кўп мураббийларни танийман. Мусобақаларимда ҳам асосан улар иштирок этадилар. 

"Одил Жуниор" лойиҳаси иш бошлаганида нархлар бироз қиммат эди. Кейин ҳомийликни Одилни ўзи олгач, ишимиздаги сифат тубдан ўзгарди. Нархлар ҳам эл қатори. Яхшилар бепул. Избоскандаги бир тадбиркор туманда футболни ривожлантириш бўйича ўз дастурини айтиб ўтди. Агар бадалдан фойда топиш учун бошлайдиган бўлсалар, унда қилмаган маъқуллигини айтиб ўтдим. Лекин мақсад пул эмас, футболни ривожлантириш эканлигини такидлашди. 200 000 аҳоли яшайдиган тумандан албатта Одил Аҳмедовни кашф этишимизга ишонаман. Яқин кунлар ичида Избосканда ҳам замонавий футбол клуби фаолият бошлайди. Замонавий деганда мен, тўғри методикани тушунаман. 


АНДИЖОНЛИКЛАР, РАҲМАТ! ЭНДИ "ҚЎҚОН-1912" - "ПАХТАКОР" ўЙИНИГА!

8 кунлик фаолиятимни бир саҳифага сиғдира олмайман. Кечаги кун якунига етгач, одатдагидек кечки овқатга бордик. Бу сафар сафимизга андижонлик машҳур журналист Элмурод ака (Эрматов) ҳам қўшилдилар. Сайтимиздаги "Албарс" акани эсладик. Элмурод ака билан суҳбатлашган киши зерикмайди. Истаган мавзуингизда суҳбатлаша оладилар. Ҳозир "Кун.уз"нинг энг муҳим кадрларидан бири. Фарғонага ташриф буюрган яна бир муҳбир Алишер билан ҳам танишдик, ёш ва шижоатли.

Андижондаги қабул жараёнида иштирок этган барча академия ходимларига ўз раҳматимни айтиб қоламан. Айниқса дасёр Дилёрбек, собиқ ҳакам Рустам ака. Мураббийларнинг барчаси, тарбиячиларга ҳам. Академияга кирадиган барча болалар ишончли қўлларда эканлигига ишончим комил. Энди "чемодан"ларни йиғиштириб, қайдаса Қўқон деб йўлга чиқсам. Бугун Суперлиганинг, супер ўйини. Икки жамоа учун ҳам ҳаёт ва мамот жанги. Учрашувни эса, одатимга хилоф равишда мухлислар секторида томоша қиламан. 2017 йил "Нефтчи" - "Набваҳор" ўйинини фан клуб билан томоша қилиб роса мазза қилган эдим. 


Ўзи анчадан бери мақола ёзмай, соғиниб ҳам қолибман! Меҳр оқибатимиз йўқолмасин. Сайтда регистрация ёпилиб, комментларнинг ҳам сифати яхшиланиб қолди, бор бўлинг ўқувчи!

Муаллиф : Nadirkhuja Yuldashev
Рейтинг: +24   

Фикрлар

+13   
12 авг 12:16:30
Azim United
Лекин Одил водийга чиндан киришган бўлса ишни бажаришига ишонамиз. Ориятли бола.
+11   
12 авг 12:45:12
FC_Chelsea
Укишга арзигулик макола, хаммаси оддий, бадий безакларсиз, халк тилида езилган. Тугриси купинча маколаларни охиригача укимай, комментларни укийман, бу сафар маколани охиригача кизикиб укидим.
+7   
12 авг 13:12:07
Акмал Тўрақулов
ОДИЛ АҲМЕДОВГА АЛОҲИДА РАХМАТЛАРИМИЗ!!!
ЭЗГУ НИЯТЛАРИНИ ИЖОБАТИНИ БЕРСИН ОЛЛОҲ!
НОДИРХЎЖА КАМ БЎЛМАНГ ИЛОҲИМ!
+6   
12 авг 12:41:47
SARVARBOSS
Нодирхўжа бор хақиқатни ёзибсиз! Бизи махалладан мураббийлар штаби аъзоси бор Лутфулло. Шу бола айтган эди,хақиқий Шаффофлик бўлди деб. Рахмат Нодирхўжа,ишларингизга омад. Хархил комментлар бўлади уларга эътибор берменг. Мақола ёзишни анча соғинганингиз билиниб турибди..ПФЛда хам хаммаси яхши,айрим жамоаси пастроқда юрган мухлисларни фикрларни эътиборга олмаганда!!
ОЛҒА #СА#.!
+5   
12 авг 18:09:12
ФутболN1
Нодирхужа яхшимисиз ука! Олдин хам айтгандим хозир хам айтиб утишни жойиз топдим . Сизни куриб гаплашганимда (эслайсиз уша кунни яхши,Пахтакорни Бухородаги бир кун олдинги машгулотида) сизда ука куринишингиздан нур таралиб турибди. Оила бола-чакангизни бошида омон булинг доимо укам. Бу ёзиб утаятган гапларим чин дилимдан.
Мани нотугри тушинманг
+3   
12 авг 12:16:21
"Buyuk Chinorlar"
Respect!!! Aka sizi Olloh ozi qollasin. Duodamiz, vodiy futbolini kelajagi haqida qayguryabsiz. Bu ishni vodiyli bolgan insonlar qilolmayotgan bir paytda. Rahmat sizga. Hudo hohlasa bu ishlar samarasiz qomedi. Albatta oylagan rejalariz amalga oshadi. Qalbida ezgu maqsadi bolganlarni Olloh ozi hamisha qollasin.
+3   
12 авг 12:13:46
Steve
siz betta bolalar bolalar futboli deb jon kuydiryapsiz utta boshligiz har xil qarorlar chiqaryapti bowida reglament edi endi qarzdorlik kechirasizu qilayotgan iwlariz bir pul bulyapti, ufani odamisz lyuboy muxlisdan yaxwi tuwunasiz futbolni va tugri baholaysiz vaziyatni , kimni bolasi futbolchi buladi , otasi futbol muxlisi bulgan bolani , superliga bu ahvol bulsa qaysi ota bolasini futbolga beradi ja bersaham wu bron nima bilan band bulsin deb beradi, iwlawdan charchamang , superliga haqidaham bron nima yozing aka, har holda soginibsizu maqola yoziwni
+2   
12 авг 13:59:31
abrorsoliyev
nodirxõja aka xorazmga keling gurlan tumanida 3ta sun'iy gazon bor.bir katta tumanda 3ta iltimos bizning tumanimizga ham suniy gazon qurib beringlar yoz kunlari navbat yõq boladi 3gazonda iltimos +++ bosinglar kõrsin bizni tumanda istedodlilar kop
+1   
12 авг 17:01:19
Бахтиёржон_Эгамбердиев
Нодирхужа Сизни Андижондаги болалар футболига булган эьтибор хакидаги фикрларингиз тугри. Мен яна йулингиз Андижон тарафларга тушса Шахрихондаги футболга булган муносабат тугрисида билгимиз келади. Шахрихонда футболни тиклаш буйича Биродар Абдураимов хам интервьюларида айтиб утдилар. Шахрихон ишкибозлари футбол деб юраклари эзилиб кетди. Жонкуяр мухлислар жуда куплаб топилади. Водийнинг кайси вилоятида футбол булса уша ерда Шахрихонлар хозиру нозир. Мени махаллийчиликда айбламанг илтимос азбаройи худо хар куни таниш ишкибозлар мендан факат футболни сурашади. Ана шундай фидоий ишкибозлар юрти Шахрихон азизлар.
+1   
12 авг 13:28:28
m.homidov
To'g'risi CA da anchadan beri maqolani oxirigacha o'qimagandim. Lekin bu maqolani oxirigacha o'qidim va mazza qildim o'qib. Baribir TOP darajadagi journalist ajralib turadi. Qani endi futbolimiz tepasiga Nodirxo'ja ga o'xshagan Futbolni tushungan insonlarni qo'yishganda hozir JCH ga chiqishgamas guruhdan chiqishga harakat qilayotgan bo'lardik.
+1   
12 авг 13:11:04
$Андижон$
Андижонда ҳозир ёш кадрларди футболга қўйиб берган вилоят Хокимига раҳмат, Клубда Маъруф, федерацияда Бегзод, Спорт комитетда Ўткир, Футбол академиясида Насибилло Хоким шу ёшларди махкам ушлаши керак.
+1   
12 авг 12:44:32
шоманай..
Нодирхужа ака илтимос бизи Кораколпогистонгаям битта утинг
+1   
12 авг 12:24:07
Nadirkhuja Yu
Draxler фойдаланувчининг фикрига жавоб бериш
bir qarasa Dior bir qarasa Nodirxoja maqola yozvotti. Lavozimga otgan odam oz iwini qsade. Avallari maroq blan oqirdi. Ufani odamisizla buyogiga iwila blan korsatila.
Болалар футболи бу катта мавзу. Лекин буни жуда кўпчилик англамайди. Болалар футболида қилинаётган ишларни ПФЛ ва МТЖдаги аламга қўшиб танқид қилишади. Ваҳолангки у ерда иш тўғри кетаётган бўлсада. Яна камига сиз қилаётган ишларни биттаси раҳбарга бошқача етказиб эчкилик қилади. Ваҳолангки ўзи бирон ишни қойиллатмаган. Осон эмас бу майдон ичра турмоқ деб бежиз айтишмаган. ва буни амалда кўраяпман ҳам. Лекин жуда ҳаракат қилаяпман, вилоятларда чемпионатни йўлга қўйишни. Ҳозирча фақат Андижон ва Наманган бу ишни бажарди. Бу гапларни нима учун мақола сифатида ёздим. Футболга эътибор қилаётган ҳокимиятларни қўллаб қувватлаш ва улардан янада максимал фойда кўриш.
   
14 авг 14:48:49
°Super Star°
0
   
14 авг 08:29:13
-MaN-UniteD-/10/
abrorsoliyev фойдаланувчининг фикрига жавоб бериш
nodirxõja aka xorazmga keling gurlan tumanida 3ta sun'iy gazon bor.bir katta tumanda 3ta iltimos bizning tumanimizga ham suniy gazon qurib beringlar yoz kunlari navbat yõq boladi 3gazonda iltimos +++ bosinglar kõrsin bizni tumanda istedodlilar kop
Узбек тилида нукта, вергул, тери деган нарсалар бор ... агар уларни ишлатмаса биринчидан тилга нисбатан хурмат йук, иккинчидан нима девотганиззи хеч ким тушинмийди.
championat.asia
< сўнгги янгиликларни кўриш

Энг яхшилар

Суперлига. Қўқонда ғолиб аниқланмади Суперлига. Қўқонда ғолиб аниқланмади
Суперлиганинг 21-туридан ўрин олган "Қўқон-1912" -...  187
Суперлига. "Бухоро" асосий футболчиларисиз "Навбаҳор"га ютқазди Суперлига. "Бухоро" асосий футболчиларисиз "Навбаҳор"га ютқазди
Суперлиганиг 21-туридан ўрин олган "Навбаҳор" -...  146
«Локомотив» киберфутболчиси Осиё ўйинларида Ўзбекистон шарафини ҳимоя қилади «Локомотив» киберфутболчиси Осиё ўйинларида Ўзбекистон шарафини ҳимоя қилади
Ўзбекистонда Электрон компьютер спорти федерацияси ташкил этилди,...  87
������.�������

CA ни Facebook да ўқиш
учун "Yoqdi"ни босинг