Александр Хомяков: "Эҳтимол, "Машъал" 1-ўринни олар, кўрамиз"
20 мар 20:07
Янгиликлар

Александр Хомяков: "Эҳтимол, "Машъал" 1-ўринни олар, кўрамиз"

Суперлига 3-туридан ўрин эгаллаган "Машъал" – "Металлург" (2:1) ўйинидан сўнг мезбонлар бош мураббийи Александр Хомяков ўз фикрлари билан ўртоқлашди.

- Ўйин ҳақида
- Аввало, халқимизни жамоамиз номидан Наврўз айёми билан табриклайман. Оилавий бахт, тинчликхотиржамлик тилайман. Мухлисларни эса ғалаба билан муборакбод этаман. Бугунги баҳс осон кечмади ва омадимиз келди. Мағлуб бўлишимиз ҳам мумкин эди, бироқ якунда 3 очкога эга чиқдик.

- "Металлург" гол урган вазиятда қоида бузиш бор эди, дейишяпти. Бу борада нима дея оласиз?
- Ҳозир ниманидир изоҳлаш қийин ва нотўғри. Келинг, бу саволни очиқ қолдирамиз. Ушбу вазиятни тўғри баҳолаш қийин.

- "Машъал" якуний турнир жадвалида қайси поғонадан жой олади деб ўйлайсиз?
- Эҳтимол, "Машъал" 1-ўринни олар, кўрамиз.

- Жамоа олдига қандай вазифа қўйилган?
- Бу бўйича аниқ вазифа белгиланмаган. Жамоага келганимга 2 ҳафта бўлди. Асосий талаб – ҳар бир ўйинда ғалаба қозониш. Бунга астойдил ҳаракат қиламиз.