Акмал Холматовга FIFA.uz соврини топширилди

Март ойида Фарҳод Тожиев ойнинг "энг яхши ўйинчиси" унвонини қўлга киритган эди. Бу сафарги соврин ҳам "Локомотив" аъзосига насиб этди. Жамоа ярим ҳимоячиси Акмал Холматов энг кўп очко тўплашга муваффақ бўлди. Қизиғи шундаки ПФЛ матбуот хизмати томонидан аниқланаётган ойнинг энг яхшилари ҳам, биздагидек бўлгани каби Фарҳод Тожиев ва Акмал Холматовга топширилган.

Кеча "Локомотив" - "Сўғдиёна" учрашувида якунига етганидан сўнг, Акмал Холматовга маҳсус совринни топширдик.


"Албатта яхши бўлиш ёқимли. Менимча бунда жамоамнинг хиссаси катта. Жорий мавсум ўз олдимизга чемпионат медалларини ютишни мақсад қилганмиз ва бу борада барча бирдек хизмат қилаяпти", - дейди Холматов.