Акбар Усмонов: "Гуруҳдошларимизнинг бирортасини кучсиз демаган бўлардим"

Унда Ўзбекистон футзал терма жамоаси ҳам иштирок этади. Турнир олдидан терма жамоамиз футзалчиси Акбар Усмонов ўз фикрлари билан ўртоқлашди. 

"Мусобақага яхши тайёргарлик кўрдик, хориждан жисмоний тайёргарлик бўйича мутахассис ҳам жалб қилинди. Умуман олганда, Кувайтдаги Осиё чемпионатига жуда яхши ҳолатда ташриф буюрдик. 

Гуруҳимиздаги бирорта жамоани кучли ёки кучсиз демаган бўлардим, чунки мусобақада ҳар бир иштирокчи очколар учун курашади. Айтайлик, бизнинг гуруҳдошларимиз ҳам фақат ғалабаларни кўзлаган ҳолда чиқишади. Демак, ҳар бир ўйиннинг қиймати олтинга тенг.

Ўзбекистон футзал терма жамоаси ўз олдига фақат ва фақат чемпионликни қўйган. Бу мақсад сари босқичма-босқич қадам ташлашимиз лозим. 

Мусобақада қанча кўп гол урсам, шунча яхши (кулади). Чунки урган голларим жамоамизнинг ғалабаларига фойда келтирса бўлди".