"Sakramento Repablik" klubi o'z muxlislaridan biri Metyu Xarding saratonning og'ir formasi bilan kasallanganini bilib qoldi. Shundan keyin jamoa "Make-A-Wish" fondi bilan unga syurpriz qildi.
"Sakramento" 15 yoshli yigitcha bilan rasman shartnoma imzoladi va u klub tarixidagi eng yosh futbolchiga aylandi. U jamoaning asosiy tarkib futbolchilari bilan mashg'ulotlarga qo'yildi.
Keyinchalik... Metyu "Las Vegas" jamoasiga qarshi uchrashuvda maydonga tushdi. Unda "Sakramento" 1:0 hisobida g'alaba qozondi va yagona golni Metyu Xarding kiritdi. Shu orqali u ligada haftaning eng yaxshi futbolchisiga aylandi.
