UZ

Сўнгги янгиликлар

13:36"Оқ-тепа" жамоасига испаниялик мутахассис келмоқда  7 13:33Асрор Алиқулов: "Футболчи баҳона қилиб, тўлиқ куч билан ўйнамаса ўсишга эриша олмайди"  0 13:32Спортчилар ижтимоий тармоқларда  0 13:18"Лео мен севган клуб, яъни "Барса"нинг ўйинчисидир". Гвардиола Месси ҳақида гапирди  1 12:57ОЧЛ. "Пахтакор" БАА клубларини 12 марта мағлуб этган  9 12:51"Ливерпуль" "Барселона" ҳужумчисини ўз сафига қўшиб олмоқчи  8 12:28Артета нега Обамеянг "Арсенал"да қолганини айтди  1 12:04Карикатура: Мухлислар унинг келганидан хурсанд эдилар, кетганида ҳам шундай бўлди  5 11:40Бразилия терма жамоаси Боливия ва Перуга қарши ўйинларга тайёргарлик кўриш учун 23 ўйинчини чақирди  4 11:19Olamsport: Конорни "сюрприз" кутмоқда, жаҳл қилган Фергюсон сочини олдириб ташлади ва бошқа хабарлар  0 11:19"Манчестер Юнайтед" "Порту" футболчиси билан келишувга эришди  4 10:57Омар Моманидан янги карикатура: 10 нафар португалиялик ва учинчи либос ҳам шунга ўхшаш, балки Роналду ҳам "Вулверхэмптон"га ўтар  4 10:33Роберт Левандовски қаллобликда айбланмоқда. Унга қарши 9 миллион евролик суд иши очилган  9 10:1817 ёшли Мусиала "Бавария" тарихидан жой олди  1 10:15Серхио Агуэро икки ой майдонга туша олмаслиги мумкин  1

АГМК 2017 йилдан буён Ўзбекистон кубогида мағлубиятга учрагани йўқ (превью) Янгиликлар

АГМК 2017 йилдан буён Ўзбекистон кубогида мағлубиятга учрагани йўқ (превью)

АГМК футбол клуби матбуот хизмати финалга доир қатор материаллар тақдим этди.

АГМК кетма-кет иккинчи йил Ўзбекистон кубоги финалида ўйнайди!

Миржалол Қосимов бошчилигидаги АГМК жамоаси Ўзбекистон кубогида муваффақиятли одимни давом эттирди.

Ўзбекистон кубогида жорий мавсумни амалдаги ғолиб сифатида нимчорак финалдан бошлаган жамоамиз дастлаб "Машъал"га қарши беллашди ва Зафар Полвоновнинг қўшимча таймларда киритган муҳим голи эвазига чорак финалга йўл олди. Сўнгра мазкур босқичда "Оқ-тепа" билан беллашган АГМК голларга бой ўтган баҳсда 4:3 ҳисобида сафарда муваффақият қозонди. Элгужа Григалашвили томонидан қайд этилган хет-трик ҳамда Дилшод Жўраевнинг голи якунда жамоамизга ярим финал чиптасини тақдим этди. Ярим финалда эса ўтган йилги каби "Бунёдкор" билан тўқнашган жамоамиз бу сафар ҳам рақибни мағлуб этиб, қаторасига иккинчи маротаба "Бунёдкор"ни ярим финалда тўхтатиб, кетма-кет иккинчи йили финалга чиқди.

Қизиғи, ўтган йилги каби мамлакат кубоги финалида "Пахтакор" билан ҳал қилувчи ўйинда бош соврин учун кураш кечади. Аниқроғи, АГМК амалдаги ғолиб сифатида мамлакат кубогини финалда яна "Пахтакор"га қарши баҳсда ҳимоя қилишга уриниб кўради.



Ўзбекистон кубоги финалига қадар бўлган йўл

Нимчорак финал

АГМК - "Машъал" 1:0

Гол: Зафар Полвонов (109)


Чорак финал

"Оқ-тепа" - АГМК 3:4

Голлар: Павел Пуришкин (47, 49, 86) — Дилшод Жўраев (22), Элгужа Григалашвили (42, 44, 53)


Ярим финал

АГМК - "Бунёдкор" 3:1

Голлар: Нурматов (8), Григалашвили (50), Раҳмонов (86) - Тўхтасинов (58)


Финал

26 октябрь, шанба 

"Пахтакор" - АГМК (17:00)

Тошкент шаҳри, “Локомотив” стадиони.


Ўзбекистон кубоги финали превьюси: "Пахтакор" - АГМК

Кетма-кет иккинчи йил Ўзбекистон кубоги финал учрашувида Тошкентнинг "Пахтакор" ҳамда Олмалиқнинг АГМК жамоалари тўқнаш келмоқда.

Ўтган йили Фарғонада ўтган кубок финалида жамоамиз "Пахтакор"ни 12-кубогини қўлга киритишига қаршилик қилиб, якунда 3:1 ҳисобидаги ишончли ғалабани тантана қилганди. Жорий мавсум ҳам финал бекатига қадар йўқотишларсиз етиб келган мазкур жамоалар яна бош соврин учун курашади. "Пахтакор" билан бу гал умумий ҳисобдаги 26-учрашувни ўтказамиз. Жамоалар ички чемпионатда 24 маротаба ва Ўзбекистон кубоги финалида 1 бора тўқнаш келишган. Ўзаро ўйинлардаги устунлик "Пахтакор" тарафида.

Статистикага кўра, 5 маротаба жамоамиз ғалаба қозонган бўлса, 2 бор дуранг қайд этилган ва 18 ўйинда "Пахтакор"нинг қўли баланд келган. Тўплар нисбати: 41-17.

Жорий мавсумда Суперлига доирасидаги биринчи давра ўйинида Тошкентда жамоамиз "Пахтакор"га (4:1) имкониятни бой берганди. Олмалиқдаги баҳсда эса "Пахтакор" (3:0) ҳисобида ғалаба қозонган. Ўтган йилги финалда эса Йован Жокичнинг дубли ва Зоҳир Пиримовнинг голларига "Пахтакор"дан Исмоил Гонсалвеш пенальтидан урилган гол билан жавоб қайтарганди.


Эътиборлиси, АГМК Ўзбекистон кубогида 2017 йилдан буён мағлубият нималигини билмай келмоқда. АГМК Ўзбекистон кубоги доирасида 11 ўйиндан буён мағлубиятсиз серияни давом эттирмоқда. Шунингдек, жамоамиз кубок ўйинларида қаторасига 8 учрашувдан буён ғалаба қозонмоқда.

"Мазкур ёқимли анъанани кубок финалида қаторасига иккинчи йил "Пахтакор"га қарши баҳсда ҳам давом эттириб, кетма-кет иккинчи йили Ўзбекистон кубоги соҳибига айланиш учун жамоамиз кураш олиб боради. Ўтган йилги муваффақиятни яна такрорлаш фурсати келди. Олға, АГМК!", - деб ёзмоқда Олмалиқ клуби матбуот хизмати.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика