Abbos Fayzullaev: "Men uchun unutilmas kun bo'ldi, chunki terma jamoadagi birinchi golimni urdim. Golimni ota-onam, tog'am va yangamga bag'ishlayman. Bizni Eronga qarshi juda muhim bahs kutib turibdi, bugundan o'sha uchrashuvga tayyorgarlikni boshlaymiz.
- Raqib jamoaning ko'plab futbolchilari jismonan baquvvat va gavdagi o'yinchilar edi. Bu sizga qiyinchilik tug'dirmadimi?
- Yo'q, o'z poziciyamga tushdim va o'zimni qo'lay his qildim.
- Bugun terma jamoa safida gol urgan 108-futbolchiga aylandingiz...
- Juda xursandman, orzularimdan biri amalga oshdi. Endi ko'plab gollar uraman deb umid qilaman.
- Turli yoshdagi terma jamoalarda gol urgansiz, hissiyotlar bir-biridan farq qiladimi?
- Kattalar terma jamoasida gol urish yoqimliroq bo'lsa kerak.
- Terma jamoalar safidagi sevimli golingiz?
- Osiyo Kubogi 1-turida jarima zarbasidan urgan golim.
