"talkSPORT" xabariga ko'ra, biroz oldin Superliganing 12 tashkilotchi-a'zolari ishtirokida yig'ilish bo'lib o'tgan va unda musobaqaning bekor qilinishi masalasi ko'rib chiqilgan. Ma'lumotlarga qaraganda, bunga muxlislar va futbol ichidagi boshqa shaxslarning keskin noroziligi sabab bo'lgan.
Hozircha bu borada aniq ma'lumot keltirilganicha yo'q. Shu paytga qadar "Manchester Yunayted", "Manchester Siti" va "Chelsi" kabi klublar ushbu turnirdan chiqib ketish uchun ariza topshirgan.