Jurnalist Fabricio Romanoning X ijtimoiy tarmoq sahifasida xabar berishicha, "shaharliklar" yaqin kunlarda ganalik futbolchining transferini yakunlashga yaqin.
Manbaga ko'ra, Semenoning o'zi "Manchester Siti"ga o'tishni maqul ko'rgan. Takidlanishicha, "Tottenxem" va "Chelsi" "Bornmut" hujumchisi uchun kurashdan chiqqan.
Semeno 2023 yil yanvaridan beri "Bornmut" safida o'ynab kelmoqda. Bu davrda hujumchi barcha musobaqalarda 106 ta o'yinda maydonga tushib, 30 ta gol urgan va 13 ta golli uzatma bergan. Uning klub bilan amaldagi shartnomasi 2030 yil yozigacha amal qiladi.
