UZ

Сўнгги янгиликлар

14:05Эшитдик-да: "Локомотив"да даҳшатли ўзгаришлар бўлади  6 14:03Моуринью МЮ раҳбариятидан хафа  2 13:57Гвардиола: "АПЛ чемпионлиги учун кураш "Реал" ва "Барселона" тўқнашувига ўхшайди"  1 13:44Суперлига-2018. Якуний статистика  1 13:10Почеттино: "Баъзида умуман трансфер амалга оширмаган маъқул"  2 12:59Қирғизистон телеканали Осиё Кубоги-2019 трансляция ҳуқуқини сотиб олди  15 12:48Осиё Кубоги бош соврини Токиода  9 12:43Гвардиола: "Де Брюйненинг жароҳати "Манчестер Сити"га ёрдам бериши мумкин"  0 12:32"Фенербахче" раҳбарияти бош мураббийга қўнғироқ қилиб, уни истеъфога чиқаришди  1 12:28Осиё Кубоги-1968. Эрон ҳам ўз уйида чемпион  11 12:04Ўзбекистонда йилнинг энг яхши мураббийи ва футболчиси 30 декабрь куни эълон қилинади  6 11:48Карикатура: ЦСКА "Реал"ни аяб ўтирмади  7 11:45"Ювентус"дан "Интер"га ўтган Маротта жамоага Модрични олиб келмоқчи  1 11:44Осиё Кубоги-2019. Ҳиндистон бош мураббийи: "Таиланд билан баҳс ўзгача кечади"  1 11:33Роналду "Ювентус" ўйинини ўтказиб юборади  2

39 йиллик айрилиқ: "Пахтакор-79"ни хотирлаб Янгиликлар

39 йиллик айрилиқ: "Пахтакор-79"ни хотирлаб

Теглар :  Пахтакор-79
Ушбу санада "Пахтакор" авиаҳалокат туфайли 17 нафар ўғлонидан ажралиб қолган. Биз эса ўша жамоа аъзоларини хотирлаган ҳолда мудҳиш ҳалокат тафсилотлари тўғрисида эслаб ўтсак.

1979 йилнинг 11 августи. Тошкент вақти бўйича соат 13дан 35 дақиқа 38 сония ўтган. Шу лаҳзада Тошкент-Гурьев-Донецк-Минск рейсида парвоз қилаётган ТУ-134 самолёти Челябинск-Кишинёв рейсини бажараётган шу русумдаги бошқа самолёт билан тўқнашиб кетди. Фожеа ердан 8400 метр баландликда юз берди ва икки самолёт бортида бўлган 178 киши ҳалок бўлди. Улар орасида ўша вақтда ўзбек футболининг фахри ҳисобланган «Пахтакор»нинг 17 нафардан иборат таркиби ҳам бўлган. Афсуски, диспетчернинг хатоси икки юзга яқин инсонларни бу ҳаётдан олиб кетди.

 

Ўша куни Харьковдаги ҳаво ҳаракатларини бошқариш марказида 6 нафар диспетчер навбатчилик қилаётганди. Бўлим бошлиғи Сергеев ёш Николай Жуковскийни иш ўрнига ўтказди ва унга раҳбарлик қилиб туришни Владимир Сумскойга топширди.

 

Ўша куни бу ҳудудда об-ҳаво унчалик яхши эмасди. Осмонни булутлар эгаллаган бўлиб, улар 8-9 километр баландликда ҳам қалин жойлашганди. 65735 борт рақамли Ту-134 самолёти Москва вақти билан соат 13:11да Донецкдан ҳавога кўтарилади. А.С.Комаров бошчилигидаги экипаж аъзолари 77 йўловчини манзиллари томон етказиб қўйишлари зарур эди. 12:53да Воронеждан учган бошқа бир Ту-134 эса 65816 борт рақамига эга бўлиб, унда А.А.Тараненко командирлик қилаётганди. Молдавияга тегишли самолёт салонида 88 нафар йўловчи рўйхатга олинганди. Улардан 16 нафари 12 ёшгача бўлган болалар бўлган.

 

11 августда содир бўлган воқеалар қуйидаги ҳолатда юзага келган.

7:50. Харьков ҳаво ҳаракатларини бошқариш марказида раҳбар Сергеев жанубий-ғарбий йўналишга масъул этиб катта тажрибага эга бўлмаган Жуковскийни қўйди. Унинг ҳаракатларини назорат қилишни эса биринчи классли диспетчер Сумскойга топширади. Ваҳоланки, бу ҳудуд собиқ СССРда самолётлар энг кўп учиб ўтадиган йўлга эга эди. Одатий кунларда ҳам ушбу жой осмонида бошқа ҳудудлардан кўра иш анча қизғин бўларди.

13:17. Молдавияга қарашли Ту-134 самолёти Харьков маркази билан алоқага чиқди. Командир 9600 метр баландликни эгаллашни сўради. Лекин Жуковский унга бу йўл банд бўлишини айтиб, рад жавобини берди.

 

Кейин эса алоқага Минскка тегишли бўлган Ту-134 чиқиб, командир Комаров самолёт 5700 метр баландликда эканини айтиб, ўзи учун белгиланган 9600 метр масофага кўтарилишни сўради. Ҳар икки самолёт йўналиши Днепродзержинск тумани осмонида тўғри бурчак остида кесишар, лекин орадаги фарқ бир дақиқани ташкил этарди. Бироқ Жуковский ҳисобда адашиб кетади ҳамда икки самолёт учиб ўтиш фарқи 3 дақиқа деб белгилаб олади. Шу сабабли у Комаровга 7200 метр баландликни эгаллашга буйруқ беради.

 

13:34. Минск экипажи 8400 метр баландликка кўтарилишга буйруқ олади ҳамда навбатдаги буйруқни кута бошлайди. Чунки бу йўлдан Ил-62 учиб ўтиши лозим эди. Ва Жуковский яна бир хатога йўл қўяди. Буни «Пахтакор» учаётган самолёт командирининг алоқага чиқиб айтган сўзларидан пайқаган Сумской бошқарувни қўлга олади ҳамда учувчилар билан алоқага ўзи чиқишни бошлайди.

13.34.07: - 676чи (Ил-62нинг борт рақами), 9600 метр баландликни эгалланг.

13.34.28: - 735чи, сиз эса 9000 метр баландликка ўтинг. Днепродзержинскда 8440 метр баландликда йўллар кесишади.

 

Жавоб эса қуйидагича янграйди:

- Тушундим, 8400.

 

Сумскойнинг хатоси шунда бўлганки, у жавобни қайси самолёт командири айтганини сўраб, тасдиқлатишни эсдан чиқарган. Ҳар икки диспетчер буйруқни ким бажарганини сўрашни ёки локаторга қараб, самолётлар қайси йўналишда ҳаракат қилаётганини текширишни унутишган.

 

13.35.38: 95 даража бурчак остида 65916 рақамли Ту-134А шу русумдаги 65735 рақамли бошқа бир самолёт билан тўқнашиб кетади. Ҳар икки самолёт учувчилари қалин булут туфайли қаршисидаги самолётни кўриш имкониятига эга бўлишмаган. 8300 метр баландликда Молдавия самолёти Минскка қарашли самолётнинг қанот қисмига келиб урилган. Комаров «Пахтакор» учаётган лайнер бошқарувини 4500 метр баландликкача герметизация бузилган ҳолатда ҳам ушлаб турган, бироқ шундан кейин самолёт кескин равишда қулашни бошлаган.

Ҳалокат тўғрисида биринчи бўлиб ўша пайт ҳавода бўлган АН-2 самолёти экипажи хабар беради: «Куриловка ҳудудида қулаётган самолёт қисмлари кўзга ташланмоқда. Менимча, бу ТУ-134 парчалари».

 

Икки лайнернинг 8400 метр баландликдаги тўнашуви натижасида 178 нафар инсон ҳалок бўлди. 9 ойдан кейин бўлиб ўтган судда Жуковский ва Сумской устидан суд қарори эълон қилинди. Улар умумий режимда 15 йилдан озодликдан маҳрум этилдилар. Бошқа жавобгар шахслар эса «сувдан қуруқ чиқишган».

 

Ушбу ҳалокатдан жуда кўпчилик ўзини йўқотиб қўйган. Чунки ўша мавсумда «Пахтакор» ишончли ўйин кўрсатиб, юқори ўринлардан жой эгаллашга ҳақли эканлигини исботлаб келаётганди. Ҳатто, баъзи мутахассислар жамоанинг яқин йиллар ичида Еврокубокларда ўйнаши мумкинлиги тўғрисида тахмин қилаётганди. Фожеа оқибатида нафақат кўплаб инсонлар ҳалок бўлди, балки бу ўзбек футболининг ривожланишига ҳам ўзининг салбий таъсирини кўрсатди. Тасаввур қилинг, ўшанда бизнинг энг яхши футболчиларимиз дунёдан кўз юмди. Натижада бир бутун бир авлоддан ажралиб қолдик. Агар ўша ҳалокат бўлмаганда футболимиз ҳозирги савиясидан икки-уч баробар юқорироқ бўлиши мумкин эди. Самода ҳалок бўлган ўйинчи ва жамоа аъзоларининг рўйхати мазкур инсонлардан иборат:

 

Идгай Борисович Тазетдинов         13.01.1933      Мураббий

Владимир Васильевич Чумаков      08.12.1932      Шифокор

Мансур Иномжонович Толибжонов          04.04.1944      Маъмур

Михаил Иванович Ан          19.11.1952      Ярим ҳимоячи

Владимир Иванович Фёдоров        05.01.1956      Ҳужумчи

Олим Масолиевич Аширов 25.01.1955      Ҳимоячи

Равиль Рустамович Агишев            14.03.1959      Ҳимоячи

Константин Александрович Баканов         25.05.1954      Ярим ҳимоячи

Юрий Тимофеевич Загуменних      07.06.1947      Ҳимоячи

Александр Иванович Корчёнов      04.05.1949      Ярим ҳимоячи

Николай Борисович Куликов         25.04.1953      Ҳимоячи

Владимир Васильевич Макаров     09.03.1947      Ярим ҳимоячи

Сергей Константинович Покатилов          20.12.1950      Дарвозабон

Виктор Николаевич Чуркин           25.01.1952      Ҳужумчи

Сирожиддин Аҳмадович Бозоров  10.08.1961      Ҳужумчи

Шуҳрат Мўсинович Эшбўтаев        08.02.1959      Ҳужумчи

Владимир Валиевич Собиров         14.01.1958      Ҳужумчи

 

Шу тариқа ишқибозларни армонда қолдириб, «Пахтакор» авиаҳалокатга учради. Тез фурсат ичида Тошкентга бошқа жамоалардан футболчилар чақирилиб, жамоа мавсумни давом эттирди. Уч мавсум мобайнида жамоага олий лигадан тушиб кетмаслик имконияти тақдим этилди. Лекин ҳаётдан кўз юмган бутун бир жамоа ўрнини ҳеч ким ва ҳеч нарса боса олмасди. Ўша машъум ҳалокат туфайли кўп минг сонли ишқибозлар футболдан бутунлай кўнгил узишди. Пахтакорчиларнинг оила аъзоларига қанчалик қийин бўлганлигини тасаввур қилиш мушкул бўлмаса керак. Навбатдаги учрашувларга ташриф буюрган мухлислар кўзларида ёш билан янги жамоа иштирокидаги ўйинни кузатиб боришарди.

 

Бугун... Бугун эса янги тонг отди. Кимларнингдир қалбида янги орзулар билан, кимлардадир эса унутиб бўлмас хотира ва армонлар. Биз эса пахтакорчиларни ёдга оламиз. Аслида улар ҳар доим бизнинг қалбимиздаги, бизнинг ёдимизда. Сизларни ҳеч қачон унутмаймиз, "Пахтакор"нинг чинакам ўғлонлари!

Рейтинг: +28   

Фикрлар

+20   
11 авг 09:19:15
BARCELONA_C.RONALDO
Murodov Bekzod фойдаланувчининг фикрига жавоб бериш
Хозирги Насаф 2 е йуге "Пахтакор" уша афсонавий Пахтакор ни тирногигаям арзимайди!!!
San NASAF 2 keltirib ber nasafga Otkan neshta oyinchisi akedemiyadan chiqan?keyin bu mavsum qaysi oyinda sudya YORDAM berdi?PAXTAKOR yomon korshin sababi sani kamandedanda unaqa shonli tarix super keleje yo
+8   
11 авг 11:10:03
Жахонгир Асомов
Ман 15 ёшда эдим.фалокатдан 3 кун ўтиб тобутларни олиб келишганда бутун Ўзбекистон ,хатто футболга қизиқмайдиганлар,ёши катталар,аёллар,хаммани кўзида ёш тўхтамасди.Ўзим икки кун ўзимга келолмай бетоб бўлиб қолганман.Оллох самода сочилган йигитларнинг барчасини ўз рахматига олиб,охиратларини обод қилсин.
+8   
11 авг 08:53:25
Абдуллох
Азизлар илтимос жа булмаса шу жойга бетайин фикрларини билдирманглар.
+7   
11 авг 07:57:10
-MaN-UniteD-/10/
Пахтакор Буюк ва Буюк бўлиб қолаверади!!!
+6   
11 авг 10:20:42
Toirbek
ACMILANCOM_1899 фойдаланувчининг фикрига жавоб бериш
Уша 1979 йилдаги Пахтакор мисоли осмондаги юлдуз эди. Хаммамиз учун огрикли хотира буп колди. Ушандан кейин Пахтакор пастга шунгишда давом этмокда. Хозирги кунга келиб Пахтакор нихоятда аянчли ахволга тушиб колди. Ачинишдан бошка иложимиз йук. Эссиз Пахтакор!
Яхшиси 4 та студент мухлисладан ташкил топган локо хакида кайгурин. Пахтакорри огирлиги тушмасин
+6   
11 авг 10:10:56
G'aniy Abdulloh
ACMILANCOM_1899 фойдаланувчининг фикрига жавоб бериш
Уша 1979 йилдаги Пахтакор мисоли осмондаги юлдуз эди. Хаммамиз учун огрикли хотира буп колди. Ушандан кейин Пахтакор пастга шунгишда давом этмокда. Хозирги кунга келиб Пахтакор нихоятда аянчли ахволга тушиб колди. Ачинишдан бошка иложимиз йук. Эссиз Пахтакор!
Дўст Пахтакор буюк ва буюк бўлиб қолаверади, сизни гапиз бу сиз ун биламан сиз, тушунаман Пахтакорни ёмон кўрасиз.Лекин унутманг Пахтакорни қандай бўлса борича яхши кўрадиган мухлислари бор,яхшиси ўз Локо из ун қайғуринг...
+6   
11 авг 09:16:18
Аслиддин
Пахтакор халокатдан кейинги биринчи Тошкентдаги ўйинни Динамо Тбилисига қарши ўйнаган.Ўша пайтда мухлисларни қайғуга ботганини кўрган Грузияликлар атайин мағлубиятга учрашган экан.Ўшанда Тбилиси футболчилари хақиқий МАРДлик қилишган.Кейинчалик ўша очко чемпионликка етмай қолган бўлса хам ИНСОНИЙЛИКни Чемпионликдан устун қўйган Динамо футболчилари.
+6   
11 авг 08:55:33
Бахтиёржон_Эгамбердиев
Хали эсимда. Уша маъшум 11 август 1979 йил авиа халокат хабар килинганда Узбекистон Физкультурачиси газетаси оркали халок булганларни номма ном укиган эдик. Бутун Узбекистон кайгуда эди. 12 яшарли йигит узимга жой топа олмай колган эдим. Ана шундай кадрли жамоа эди. Охиратлари обод булсин.
+5   
11 авг 10:19:30
Toirbek
Murodov Bekzod фойдаланувчининг фикрига жавоб бериш
Хозирги Насаф 2 е йуге "Пахтакор" уша афсонавий Пахтакор ни тирногигаям арзимайди!!!
Уша насапдан утган уйинчиларин кайси бири академиядан чиккан?
+4   
11 авг 11:03:05
Rooney
Har yili shu sanada shu mavzu.Hecham o'zimni bosolmayman.Ko'zlarga yosh kelaveradi
+4   
11 авг 09:48:08
Шухрат Эргашев
Узбек футболининг деярли 80% рахматли шу уйинчилар билан осмонларга сочилиб кетган эди, хозир шулар тирик булганида эди, Узбекистон футболи Жахонда, Осиёда еткачи булиб юрган булар эди. МТЖ жахон чемпионталарида хар мавсум уйнаган буларми-ди, ЭССИЗ...
+3   
11 авг 13:15:51
Устабоши
Самарада харби хизматда эдим ўшанда. Динамо Пахтакор ўйинини радиодан эшитишга командирдан рухсат сўраган эдик. Қазоқ, қирғиз, ўзбек ва бошқа Пахтакор мухлисларига харбий топширикдан бўш ўша пайтда "Красний кабинет" дейиларди хонага тупландик аммо радио орқали ўйин бошқа кунга кўчирилганлигини айтишди. Бундақаси СССР даврида жуда кам учрайдиган холат эди хайрон бўлдик. Радиони бошқа каналларга қўйиб курдик жимлик. Ётдиб ухладик . Кечаси ярим тунда мени Пахтакорга ишқибозлигимни билган Украиналик хизматдошим ўйғотиб тезда радиоси бор хонага чорлади, у ерда чет эл радиостансиялардан бири адашмасам Америка овозини украин тилида тарқатаётган хабарини эшитдим. Шунда Пахтакор ва авиакотстрофа деган сўзларини тушиндим. Уйқу йўқолди. Икки кундан кейин Советский спорт газетасида 4 элли таъзиянома чоп этилди. Бу дахшатли хабар эди.
+3   
11 авг 08:16:54
Erkin Odilov - 19-79
O'sha mudxish voqeaga 39 yil bo'libdi, men bilan tenqur voqeaga:(((((
+2   
11 авг 11:57:16
Trafford
ACMILANCOM_1899 фойдаланувчининг фикрига жавоб бериш
Уша 1979 йилдаги Пахтакор мисоли осмондаги юлдуз эди. Хаммамиз учун огрикли хотира буп колди. Ушандан кейин Пахтакор пастга шунгишда давом этмокда. Хозирги кунга келиб Пахтакор нихоятда аянчли ахволга тушиб колди. Ачинишдан бошка иложимиз йук. Эссиз Пахтакор!
Nasaf faqat pul bn sotvolib chempion bolishi mumkin xuddi Paxtakordaka shunaqa dimoqchimisan ukam
+1   
11 авг 10:41:26
Жахонгир Асомов
антакия фойдаланувчининг фикрига жавоб бериш
уша вактдаги тирик колган пахтакорчилар хам бор экан деп эшитгандим яьни трамва ва бошка сабаблар билан учмай колган А.Убайдуллаев. Г.Деннисов ва бошкалар шулар хакда яна кимлар бор эди маьлумот берсайлар админлар или уюштирилган интерьвю булса олдиндан рахмат
Ўша вақтда Анатолий Могильний деган химоячи фарзандлик бўлгани сабабли Тошкентда қолган.
championat.asia
< сўнгги янгиликларни кўриш

Энг яхшилар

ЕЧЛ. "Реал" ўз майдонида йирик ҳисобда ютқазди, "Рома"да ҳам мағлубият ЕЧЛ. "Реал" ўз майдонида йирик ҳисобда ютқазди, "Рома"да ҳам мағлубият
ЕЧЛнинг 6-тури доирасида "Реал" ўз майдонида ЦСКАга йирик...  97
ЕЧЛ. ​"Ливерпуль" – "Наполи" 1:0 ЕЧЛ. ​"Ливерпуль" – "Наполи" 1:0
Клопп ўзининг севимли триосига ишонч билдирди.  120
РАСМАН: Икром Алибоев "Сеул" футболчисига айланди РАСМАН: Икром Алибоев "Сеул" футболчисига айланди
Суперлиганинг якунланган мавсумида "Локомотив" шарафини...  66
ЕЧЛ. "Боруссия Д" ғалаба қозонди ва бошқа натижалар ЕЧЛ. "Боруссия Д" ғалаба қозонди ва бошқа натижалар
ЕЧЛ гуруҳ босқичининг сўнгги тур баҳслари ўтказилди.  53
������.�������

CA ни Facebook да ўқиш
учун "Yoqdi"ни босинг