Bugun serbiyalik tajribali futbolchi Boyan Ciger "Neftchi" bilan shartnoma imzoladi va yangi mavsumda farg'onaliklar tarkibida harakat qiladigan bo'ldi.
Ma'lumot uchun, Boyan Cigerga O'zbekiston Superligasi begona emas. Futbolchi 2021-2022 yilgi mavsumda Namanganning "Navbahor" jamoasida faoliyat olib borgan. Boyan o'tgan mavsumni Malayziya Premer-ligasi vakili "Kedax Darul Aman" klubida olib bordi.
Faoliyati davomida Serbiya va Chernogoriyaning futbol ligalarida to'p tepgan Boyan Ciger Serbiya kubogi sohibi hisoblanadi.
