Jamoaning Toshkentdagi yig'iniga bosniyalik ikki futbolchi kelib qo'shildi. Bular - markaziy himoyachi Tarik Isich va hujumchi Jenan Zajmovich.
Tarik Isich 1994 yilda tug'ilgan. Faoliyati davomida o'z mamlakatining "Turbina", "Radnik", "Kaplina", "Olimpik", "Chelik Zenicha", Malayziyaning "Perak", Albaniyaning "Kukesi" jamoalarida to'p tepgan.
Jenan Zajmovich 1994 yil Belgiyada tug'ilgan. Shu vaqtgacha Xorvatiyaning "Lokomotiv", "Sesvete", Bosniyaning "Travnik", "Jeleznichar", "Velez Mostar" jamoalari libosida harakat qilgan. So'nggi jamoasi Serbiyaning "Radnik" klubi hisoblanadi.
