"AGMK, "Bunyodkor", "Paxtakor", "Lokomotiv" va "Surxon" futbol klublari O'zbekiston Coca-Cola kubogi-2021 finaliga mezbonlik qilish bo'yicha ariza topshirdi.
Musobaqaga qur'a tashlash 18 mart kuni bo'lib o'tadi.
So'nggi ikki katta futbol matchimizga Namangan hamda Samarqand mezbonlik qildi. Biri qur'ada g'olib chiqdi, ikkinchisiga o'zimiz tashabbus bilan chiqdik.
2021 yilgi O'zbekiston Coca-Cola kubogining final uchrashuviga mezbonlik qilish istagida bo'lganlardan 14 martga qadar arizalar qabul qilindi. Afsuski, biz kutganimiz "Nasaf", "Istiqlol", "Navbahor" stadionlaridan taklif kelib tushmadi. Barchasi ochiq bo'lishi uchun kanalimizda bu haqda yozib bordik. Umid qilamizki, bu borada futbol muxlislari bizni to'g'ri tushunishadi", - deb yozadi Diyor Imomxo'jaev telegramdagi kanalida.
Eslatib o'tamiz, 2020 yilgi mamlakat kubogi finali Namangan shahridagi "Markaziy" stadionda bo'lib o'tgandi. Unda "Paxtakor" AGMK ustidan 3:0 hisobida g'alabaga erishgan.
