ЖЧ-2014. Нигерия - Босния ва Герцеговина. Превью

Умуман олганда ушбу гуруҳда олдиндан Аргентина фаворит саналаётганди. Иккинчи ўрин учун баҳс Босния ва Нигерия ўртасида кечиши кутилмоқда. Шу боис бугунги ўзаро ўйинда ғалаба қозонган жамоа кейинги босқич учун имкониятларини ошириб олади.



"F" гуруҳи
Нигерия - Босния ва Герцеговина
22 июнь. 03:00
Бош ҳакам: Питер О'Лири (Янги Зеландия)
Ёрдамчи ҳакамлар: Ян Хендрик Хинц (Янги Зеландия), Марк Рул (Янги Зеландия)
Захира ҳаками: Роберто Морено (Панама)

Тахминий таркиблар:
Нигерия: Эньяма — Эмброуз, Омеруо, Йобо, Ошанива — Оби Микель, Онази — Одемвинге, Амеоби, Мозес — Эменике

Босния ва Герцеговина: Бегович — Муйджа, Бичакчич, Спахич, Колашинац — Хайрович, Бешич, Пьянич, Лулич — Ибишевич, Джеко

Жароҳат олганлар: йўқ

Сўроқ остида: Обоабона (Нигерия)



Ўйин олди фикрлар

Стивен Кеши (Нигерия бош мураббийи):

"Нигерияда одамлар биздан фақат ғалаба кутишмоқда. Эронга қарши баҳсда биз ўз ўйинимизни кўрсата олмадик. Дуранг бизни қониқтирмади. Энди уч очко олишимиз шарт. Мен Боснияни жуда ҳурмат қиламан".

Сафет Сушич (Босния ва Герцеговина бош мураббийи):

"Биз биринчи ўйинда боримизни кўрсата олмадик. Умид қиламанки, Аргентина қолган икки ўйинниям ютади. Шунда иккинчи ўрин учун Эрон, Нигерия ва биз курашамиз. Гуруҳдан чиқишга кучимиз етади".



Қизиқарли фактлар

Ушбу икки жамоа шу кунга қадар умуман тўқнаш келишмаган.

Нигерия Жаҳон чемпионатидаги охирги 9та ўйинда юта олмаган.

Нигерия сўнгги бор 2002 йил мундиалда голни стандарт вазият эмас ўйиндан киритган. Швецияга қарши баҳсда Агахова гол урган.

Нигерия ЖЧдаги охирги ўтказиб юборилган 6та голнинг 5тасини стандарт вазиятлардан сўнг ўтказган.

Боснии ва Герцеговина терма жамоаси ҳужумчиси Эдин Жеко Европа қитъасидаги ЖЧ-2014 саралаши доирасида гол+пас бўйича энг яхши футболчи бўлганди. "Сити" вакили 10та гол уриб 4та пас оширган.


Нарзулла Сайдуллаев тайёрлади.