Зепп Блаттер Тожикистон Суперкубоги учрашувига келади
19 feb 2014 17:41
News

Зепп Блаттер Тожикистон Суперкубоги учрашувига келади

ФИФА президенти Зепп Блаттер «Равшан» ва «Истиқлол» футбол клублари ўртасидаги Тожикистон Суперкубоги учрашувига ташриф буюради.

Бу ҳақда Тожикистон Футбол Федерациясининг Фейсбукдаги саҳифасида хабар берилган.

ФИФА президенти Зепп Блаттер 24 март куни расмий ташриф билан Тожикистонга келади ва икки кун давомида ушбу мамлакатда бўлади. Жаҳон футболи раҳбари ташрифи давомида Тожикистонда эълон қилинган Оммавий футбол йилини очиб беради. Очилиш маросими 25 март куни Душанбедаги Марказий стадионда бўлиб ўтади.

Худди шу куни Зепп Блаттер Тожикистон Суперкубоги учрашувида ҳам меҳмон бўлади. Ушбу учрашувда Тожикистоннинг амалдаги чемпиони, Кўлобнинг «Равшан» ва амалдаги Кубок соҳиби, Душанбенинг «Истиқлол» жамоалари ўзаро майдонга тушади. Ўйин Душанбедаги Марказий стадионда ўтказилади.

«Блаттернинг расмий ташриф давомида Тожикистон раҳбарияти ва мамлакат футбол федерацияси вакиллари билан учрашувлар ўтказилиши режалаштирилган», – дейилади ТФФ хабарида.

Link :

Source : kun.uz

Receive latest football news directly on your phone. Subscribe for our Telegram channel!

Rating: