"Зенит" ярим ҳимоячиси "Брайтон"га ўтмади

Хавбекка АПЛда 15-ўринда бораётган "Брайтон" қизиқиш билдирган эди. Оздоевнинг вакиллари футболчига трансферни таклиф қилишди, Магомед эса буни рад этди. Бу ҳақда metaratings.ru сайти хабар берди.

Трансфер Оздоевнинг АПЛда қолиш учун курашаётган жамоада эмас, балки Европанинг топ-клубларида ўйнаш хоҳиши туфайли амалга ошмади.

РПЛнинг жорий мавсуми коронавирус эпидемияси сабаб тўхтаб қолган. Оздоев 20та ўйинда майдонга тушиб, 3та гол ва 2та ассист қайд этган. Футболчининг клуб билан тузган шартномаси 2022 йилнинг июнига қадар мўлжалланган.

Манба: metaratings.ru