Ёшлар лигасининг ушбу турида жами 12та қизил карточка кўрсатилди!

Энг кўп четлатиш кузатилган баҳс бу "Андижон" ҳамда "Қизилқум" ёшлари ўртасидаги учрашувида қайд этилди. Бу ўйинда бош ҳакам ўз чўнтагидан 4 маротаба қизил карточкани олиб чиқишга мажбур бўлган. Кичик Тошкент дербиси мақоми остида кечган беллашувда "Пахтакор"нинг уч футболчисига қизил карточка кўрсатилган.
Яна бир кичик дерби, "Насаф" ва "Шўртан" ёшлари ўртасида ўтган ўйинда "аждарлар"нинг икки нафар ўйинчиси учрашувни муддатидан аввал тугатган.

Шунингдек, "Қўқон-1912" - "Машъал" ва "Динамо" - "Навбаҳор" учрашувида ҳам ҳакам футболчиларни қизил карточка билан сийлаган.

Четлатилган футболчилар: М.Ражабов ("Динамо"), Б.Тўрабоев ("Навбаҳор"), Ю.Очилдиев ("Машъал"), Н.Юлдошев ("Пахтакор"), А.Отахонов ("Пахтакор"), А.Сидоров ("Пахтакор"), Д.Хушбаков ("Насаф"), С.Очилов ("Насаф"), Р.Абдуғаффоров ("Андижон"), А.Комилов ("Андижон"), Б.Искандаров ("Қизилқум"), А.Макосин ("Қизилқум").

Ёшлар лигасининг 21-туридаги барча ўйинларда жами 38та огоҳлантириш кўрсатилди.