Ёшлар лигаси. 30-тур. "Бунёдкор" - "Қўқон-1912" 4:0 ёхуд "қалдирғочлар" чемпион

Ушбу учрашув “Бунёдкор” ўринбосарлари учун катта аҳамият касб этарди. Мазкур ўйиндаги ғалаба ёш “Қалдирғочлар”ни чемпионга айлантирарди.  Буни ҳис этган майдон эгалари жанговор таркиб билан ҳаракат қилишди. Аниқроғи, бир нечта асосий таркиб футболчилари ўйин қайдномасига киритилди.

Ўринбосарларимиз сафида эса асосий таркиб вакилларидан Суҳроб Қобилов, Ҳасанбой Эргашев, Маъруф Зокиржонов ва Руслан Матниязовлар  18 таликка киритилди.

Ўйиннинг 13-дақиқасида “Қалдирғочлар” ҳисобни очишга муваффақ бўлишди. Гол муаллифи Жавоҳир Қаҳрамонов бўлди. Шундан кейин ҳар икки жамоада ҳисобни ўзгартириш учун бир қатор вазиятлар вужудга келганига қарамай, гол уриш ҳеч кимга насиб этмади.

Иккинчи таймнинг 60-дақиқасида майдон эгалари иккинчи марта дарвозага йўл топишди.

Нодир Мавлонов чамаси 28 метрлардан белгиланган жарима тўпини аниқ амалга ошириб, ҳисобни 2:0га етказди.

Учрашувнинг сўнгги дақиқаларида мезбонлар ҳисобни йирик кўринишга келтириб қўйшди. Аввалига 88-дақиқада Муҳаммадодил Қаҳрамонов ҳисобни 3:0 бўлишини таъминлаган бўлса, 90+1 дақиқада Элдор Шомуродов тўртинчи тўпни киритди.

Шундай қилиб, ўринбосарларимизнинг бешта ўйиндан иборат мағлубиятсиз сериясига барҳам берилди. “Бунёдкор” ўринбосарлари эса ушбу ғалабадан кейин чемпионликни қўлга киритишди.

"Бунёдкор" - "Қўқон-1912" 4:0

Голлар: Жавоҳир Қаҳрамонов 13, Нодир Мавлонов 60, М.Қаҳрамонов 88, Элдор Шомуродов 90+1.

"Бунёдкор": Акбар Тўраев, Ислом Қобилов, Сардор Собирхўжаев, Самир Бекрич, Вячеслав Пурак, Шаҳзод Абдураҳимов, Фарҳод Намозов, Эргаш Исмоилов, Хуршид Ғиёсов, Акром Комилов, Жавоҳир Қаҳрамонов.
Захира: Абдукарим Муҳаммедов, Рустам Ашурматов, Нодир Мавлонов, Муҳаммадодил Қаҳрамонов, Элдор Шомуродов, Достон Ҳамдамов, Босит Раҳимов.

"Қўқон-1912": Асилбек Омонов, Ойбек Рустамов, Лазиз Назиров, Аброр Раҳмонов, Суҳроб Қобилов, Иқболжон Маликжонов, Авазхон Маматхўжаев, Маъруф Зокиржонов, Достонбек Мелиқўзиев, Муҳаммаданас Ҳасанов, Элёрбек Муйидинов.
Захира: Руслан Матниязов, Ҳасанбой Эргашев, Иброҳим Усмонов, Иброҳим Мухторов, Муҳаммад Юсупов, Сардор Исоқов, Александр Критинин.