Wikipedia U-20 Араб Кубогида Ўзбекистон ёшлар терма жамоаси иштирок этишини маълум қилди

Ушбу мусобақага қуръа Саудия Арабистони пойтахти Ар Риёдда ташланди. Араб футбол ассоциациялари бирлашмаси томонидан ташкил этилаётган мазкур турнир бу йил 5-марта ўтказилади ҳамда навбатдаги мусобақага Миср мезбонлик қилади. 

Бу йилги мусобақа 20 июнь куни старт олади ва 6 июлга қадар давом этади. Жами иштирокчилар 8тани ташкил этяпти. Қуръа ташлаш арафасида "D" гуруҳидаги охирги жамоанинг кимлиги номаълум эди. Бироқ U-20 Араб Кубогининг Википедия саҳифасида тўртинчи жамоа Ўзбекистон ёшлар термаси экани ҳақида маълумот пайдо бўлди.  Ушбу мусобақада 2003 йилда туғилган футболчилардан иборат Ўзбекистон U-18 терма жамоаси U-20 сифатида иштирок этади. Айни пайтда бу жамоада бош мураббий Дмитрий Ким ҳисобланади. Унга Илдар Магдеев ва Даврон Каримқулов ёрдам беришмоқда.

Шундай қилиб гуруҳлар қуйидагича кўриниш олган: 

"A" гуруҳи - Миср, Нигер Республикаси, Мавритания, Жазоир. 

"B" гуруҳи - Марокаш, Тожикистон, БАА, Джибути. 

"C" гуруҳи - Сенегал, Ливан, Ироқ, Коморо ороллари. 

"D" гуруҳи - Тунис, Яман, Саудия Арабистони, Ўзбекистон. 

Ўзбекистон ёшлар терма жамоасининг гуруҳ ўйинлари тақвими:

21 июнь. Ўзбекистон - Саудия Арабистони

24 июнь. Ўзбекистон - Тунис

27 июнь. Ўзбекистон - Яман

U-20 Араб Кубоги илк бор 2011 йил Марокашда ўтказилган бўлиб, Марокаш ёшлар термаси ғалаба қозонган. 2012 йил Иорданияда ташкил этилган мусобақада Тунис чемпионликни нишонлаган. Мазкур мусобақа 2013-2019 йиллар оралиғида ўтказилмади. Ўтган йил Саудия Арабистони мезбонлик қилган турнирда Сенагал U-20 терма жамоаси ғолибликни қўлга киритди.