"Водий футболи": Бобур Акбаров кейинги турни ўтказиб юборади, "Андижон" футболчиси эса жаримага тортилди

"Навбаҳор": Бобур Акбаров кейинги турни ўтказиб юборади

ПФЛ расмий сайти 22-турни ўтказиб юборадиган футболчилар рўйхатини тақдим этди. Маълум бўлишича, наманганликлар футболчиси Бобур Акбаров Ўзбекистон Чемпионати 22-тури доирасида "Пахтакор"га қарши бўлиб ўтадиган ўйинда жамоасига ёрдам бера олмайди.


"Нефтчи": Мурод Исмоилов мураббийлар штабида қолади

Бу ҳақида клуб президенти Тоҳир Кападзе айтиб ўтди. Мутахассиснинг маълум қилишича, Исмоилов ўз хоҳишига биноан бош мураббийлик лавозимидан кетиш борасида ариза ёзган. Клуб раҳбариятининг қарорига кўра энди жамоада бош мураббий вазифасини мавсум якунигача Андрей Фёдоров бажаради. Мурод Исмоилов эса унга ёрдам бериб туради.

Шунингдек, жамоа футболчиси Аббос Махсталиев кейинги "Бунёдкор"га қарши бўлиб ўтадиган ўйинда дисквалификация сабабли майдонга туша олмайди.


"Андижон": Рамазонов 3 та ўйинга четлатиди ва жаримага тортилди

ПФЛ тартиб-интизом қўмитаси қарори: "Андижон" футболчиси Умрилло Рамазонов  "Олмалиқ" футболчисининг юзига оёғи билан зарба бергани учун 3 та ўйинга четлатилсин ва жаримага тортилсин.

"Қўқон-1912": Александр Кит жамоани тарк этган

Мавсум бошида мураббийлар штабига келиб қўшилган Александр Кит айни дамда жамоа билан бирга эмас. Олинган маълумотларга кўра дарвозабонлар мураббийи “Қўқон-1912” билан хайрлашган.