Водийда "Андижон" фахрийлари тенгсиз

Мусобақада Андижон, Фарғона, Наманган ва Қўқон фахрийлар жамоалари иштирок этиши кўзда тутилганди. Аммо айрим сабабларга кўра фарғоналиклар турнирда вақтида етиб кела олишмади. Наманган вилояти шарафини эса Косонсой фахрийлар жамоаси ҳимоя қилди.

Дастлаб майдонга Қўқон ва Косонсой фахрийлари тушишди. Учрашув 2:2 ҳисоби билан якунланди. Пенальтилар сериясида омад косонсойликларга кулиб боқди – 4:3. Фарғона жамоаси Андижонга вақтида кела олмагани боис мезбонлар финалга тўғридан-тўғри йўлланма олишди. Андижон ва Косонсой фахрийлари ўртасидаги финал баҳси қизиқарли ўтди. Рустам Абдиев, Қобил Олимжонов, Виталий Легай бошчилигидаги мезбонлар финалда 4:2 ҳисобида ғалаба қозонишди. Турнир ғолиби бўлган Андижон фахрийлар жамоаси махсус Кубок билан тақдирланди. Мусобақа якунланганидан сўнг барча фахрий футболчи ва иштирокчилар дастурхон атрофида жам бўлишди.