Винисиус ФИФА томонидан йилнинг энг яхши футболчисига бериладиган The Best мукофотини қўлга киритди

"Реал"нинг 24 ёшли бразилиялик вингери Халқаро футбол федерацияси (ФИФА) талқинига кўра йилнинг энг яхши футболчиси деб топилди.

2024 йил энг яхши ўйинчи бўлиш учун шунингдек Жуд Беллингем, Дани Карвахаль, Килиан Мбаппе, Федерико Вальверде (барчаси – "Реал"), Эрлинг Холанд, Родри (иккиси ҳам – "Манчестер Сити"), Тони Кроос (фаолиятини якунлади), Лионель Месси ("Интер Майами"), Флориан Вирц ("Байер") ва Ламин Ямал ("Барселона") даъвогарлик қилганди.

Винисиус Дохадаги бугунги тадбирга келди. "Мадрид" 18 декабрь куни Қатарда Қитъалараро кубок финалида "Пачука"га қарши ўйнайди.