Виллиан: "Жарима зарбаларини тепишни Роналдиньо ва Бекхэмнинг ижроларига қараб ўрганяпман"

- Мен кузатиб борадиган кучли футболчилар бўлган. Улар жарима зарбаларини жуда қойилмақом тарзда амалга оширишарди. Роналдиньо ва Бекхэм бу ишни жуда чиройли уддалашарди. Мен ҳам улардан кўп нарса ўрганишга ҳаракат қиламан. Жарима зарбаларини муваффақиятли амалга ошириш учун машғулотларда алоҳида шуғулланиш жуда муҳим. Бу нарса албатта ёрдам беради. Мен кунига 4-5 маротаба ҳар хил позициялардан бу ишни такрорлайман. Бу эса менга ўйинларда қўл келади. Жарима зарбасини амалга ошираётганда дарвозабонни диққат билан кузатиш керак. Керакли нуқтани топиб, мўлжални аниқ нишонга олиш даркор.