Виктор Кумиков: "Гоҳида мағлубият ҳам фойдали бўлишини бугунги ўйин исботлади"
27 mar 2022 19:10
News

Виктор Кумиков: "Гоҳида мағлубият ҳам фойдали бўлишини бугунги ўйин исботлади"

Про лиганинг 4-туридан ўрин олган "Андижон" – "Арал Самали" (4:0) учрашувидан сўнг мезбонлар бош мураббийи Виктор Кумиков фикрлари билан ўртоқлашди.

"Бугунги ўйинга қадар футболчиларнинг руҳий ҳолати яхши эмас эди. "Хоразм"дан учралган мағлубиятдан сўнг барчада катта босим борлиги кўриниб турганди. Гоҳида мағлубият ҳам фойдали бўлади. Буни бугун кўрдик. Майдонда ўйинимиз ўхшади, деб ўйлайман.

Кўплаб вазиятлардан фойдалана олмадик. Яратилган вазиятларга қарасак, кам гол урдик. Жамоамиз ёмон футболчилардан иборат эмас. Улар орасида ҳали аввал бирга ўйнамаган футболчилар бор. Шу боис вақт керак. Қаердадир ўхшайди, қаердадир ўхшамайди.

Рақиб билан бизнинг фарқимиз маҳоратли футболчиларда. "Арал Самали" уйида исталган жамоага қаршилик кўрсата олади. Таркибида жуда яхши футболчилар бор.

Шаҳбоз Эркинов тажрибали футболчи. У қандай ўйнашни яхши билади. Аввалги ўйинларга қараганда яхшироқ ҳаракат қилди", – деди Кумиков.

Link :

Source : championat.asia

Receive latest football news directly on your phone. Subscribe for our Telegram channel!

Rating: +11