"Вест Хэм" "Манчестер Юнайтед"дан япониялик дарвозабонни илиб кетмоқчи
28 jul 17:08
News

"Вест Хэм" "Манчестер Юнайтед"дан япониялик дарвозабонни илиб кетмоқчи

"Вест Хэм" раҳбарлари ушбу ёзги трансфер ойнасида "Парма" ва Япония терма жамоаси дарвозабони Зион Сузукини сотиб олмоқчи.

"Sky Sports" хабарига кўра, Лондон клуби 22 ёшли япониялик футболчини яқин вақт ичида қўлга киритмоқчи. "Болғачилар" япониялик дарвозабонни қўлга киритиш учун курашда "Манчестер Юнайтед"дан ўзиб кетиш ниятида.

Айни дамда мутахассислар Япониянинг "Урава Ред Даймондс" жамоаси тарбияланувчисининг трансфер қийматини 20 миллион еврога баҳоламоқда. Сузуки "Парма"да 2024 йилдан бери ўйнаб келмоқда.

Эслатиб ўтамиз, Зион Сузуки ўтган мавсум "Парма" таркибида Италия чемпионатида 37 ўйин ўтказган бўлса, шулардан 7 тасида дарвозасидан тўп олиб чиқмаган.

Link :

Source : Sky Sports

Receive latest football news directly on your phone. Subscribe for our Telegram channel!

Rating: +1