Веско Стешевич: "Чемпионлик учун курашаётган жамоа майдонида ёмон ўйин кўрсатмадик"
15 mar 22:45
News

Веско Стешевич: "Чемпионлик учун курашаётган жамоа майдонида ёмон ўйин кўрсатмадик"

Суперлига 3-туридан ўрин олган "Нефтчи" - "Металлург" (1:0) учрашувидан сўнг меҳмонлар бош мураббийи Веско Стешевич матбуот анжуманида иштирок этди.

Ўйин ҳақида

- Қизиқарли ўйин гувоҳига айландик. Биринчи бўлим ҳар икки жамоа учун ҳам қийин ўтди. Тенг кураш кечди, "Нефтчи"да ҳам, бизда биттадан вазият юзага келди холос.

Иккинчи бўлим янада қизиқарли ва вазиятларга бой ўтди. Чемпионликка курашаётган кучли рақиб майдонида ёмон ўйнамадик деб ўйлайман. Ҳар икки жамоада ҳам вазиятлар кўпайди. Айниқса гол ўтказиб юборганимиздан сўнг биздаги вазиятлар сони янада ортди. Бугунги ўйин учун футболчиларимга эътироз йўқ.

- "Металлург" бугун ёмон ўйнагани йўқ. Мағлубиятга сабаб нима деб ўйлайсиз?

- Айтиб ўтдим, иккинчи бўлимда ҳар икки жамоада ҳам гол киритиш учун имкониятлар бўлди. Омад билан ҳам боғлиқ, битта вазият гол билан якунланди. Ҳар икки жамоа ҳам яхши ўйин намойиш этди.

- Рақиб жамоа кўрсатган ўйин ҳақида фикрингиз қандай?

- "Нефтчи" чемипионлик учун курашаётганини биламиз. Жамоа футболчилар тўп билан жуда яхши ишлашмоқда. Такрор айтаман, бугун ҳар икки жамоа жуда яхши ўйин намойиш этди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5