Венгрия U-18 термаси бош мураббийи: "Ўзбекистон бугун юқори сифатли ўйин кўрсатди"

Учрашув якунлангача Венгрия U-18 термаси бош мураббийи Левенте Бабонинг ўйин ҳақидаги фикрлари билан қизиқдик.

- Ўйин ҳақида қисқача фикрингиз қандай?

- Ўйин тезлиги юқори бўлди. Ушбу ўйин биз учун яқинлашиб келаётган учрашувлардан олдин ажойиб тайёргарлик бўлди.

- Нега айнан Ўзбекистон U-18 терма жамоасини рақиб сифатида танладингиз?

- Мендаги маълумотларга қараганда, УЕФА ва ОФК ўртасида ҳамкорлик келишуви бор. Ушбу дастур бўйича биз бир-биримизни қўллаб-қувватлаяпмиз. Биз Ўзбекистон U-18 терма жамоасининг меҳмонхона ҳаражатларини қоплаб беряпмиз ва шу орқали бир-биримизга ёрдам беряпмиз.

- Ўзбекистон жамоаси таркибидан бирор бир футболчининг ўйини сизда яхши таассурот қолдирдими?

- Умумий қилиб айтганда менга жамоа ёқди. Ўзбекистон U-18 термаси бугун юқори сифатли ўйин кўрсатди. Еттинчи (Абдуазим Ортиқов) ва ўн биринчи (Мурод Комилов) рақамдаги футболчиларнинг ўйини менга алоҳида таассурот қолдиришди.