Ван Перси яна кўп йиллар давомида футбол ўйнамоқчи

Кейинги ёзда голландиялик футболчи 32 ёшга тўлади. Робин бу мавсумни у қадар яхши бошлай олмаган бўлса ҳам МЮ унга янги шартнома таклиф қилмоқчи.

Ван Персининг айтишича ҳали бери футболчилик фаолиятини тугатмайди. Робин юқори савияда ўйнаш учун ҳали кучи борлигини маълум қилди.

"30 ёшга тўлганда ҳар куни одамлар сенга 30 ёки 31 ёшга тўлганинг ва босимга дош бера олмаётганинг ҳақида гапираверса ғалати бўларкан!"

"Гап ёшда эмас. Ҳали бери футболдан кетмоқчи эмасман, бир неча йил юқори савияда ўйнай оламан".

"Ҳар ҳолда айнан шунга интилаяпман. Ёш мен учун ҳеч қандай аҳмиятли эмас", - дейди Ван Перси The Telegraph нашрига.