Ван Перси мана шу ҳафта бутсаларини михга илади

Мазкур баҳс 12-май куни «Фейеноорд» ўйингоҳида «АДО Ден Хааг» жамоасига қарши бўлади. Ван Персининг жамоаси Голландия чемпионатининг 32-туридан сўнг 62 очко тўплаган ҳолда 3-ўринда бормоқда.

Эслатиб ўтамиз, Голландия терма жамоаси тарихидаги энг яхши тўпурар (50та гол билан) бўлган форвард фаолияти давомида ҳозирги клубидан ташқари, Англиянинг – «Арсенал», МЮ, Туркиянинг – «Фенербахче» жамоаларида ҳаракат қилган. Жорий мавсум эса у 29 баҳсда майдонга тушиб, 18 бора рақиблар дарвозасини ишғол этган ҳолда 5та голли узатмани ўз ҳисобига ёзиб қўйган.