Ван Дейк: “Футболсиз яшаш оғир”

“Ҳозир футболсиз яшай олмаслигимни 100 фоиз тушуниб етдим. Ўз иқтидорингни намойиш эта олмаслигинг, машғулотларда тер тўкиб меҳнат қила олмаслик қийин ҳолат. Мен ўйинларни, мухлисларни, ғалабаларни, машғулотларни жудаям соғиндим. Ахир биз салкам икки ойдан буён ушбу ҳолатларни ҳис қилмаяпмиз. Айни пайтда умуман кузатилмаган ҳиссиётни бошимдан ўтказаяпман. Бу мени ўз ишимни янада қадрлашим кераклигига ўргатаяпти. Вақти келиб фаолиятимни якунлашим мумкинлиги ҳақида тасаввур қилди. Албатта мен ҳали бу ҳақда ўйлаганим йўқ. Аммо қачондир шу ишга қўл уришимни эслаб ўзимни ғалати ҳис қилаяпман.

Фаолиятини якунлаш футболчи учун ниҳоятда оғир эканлигини тушуниб турибман. Кейин нима билан машғул бўлишим ҳақида саволлар келиб чиқади. Йиллар  давомида тинимсиз меҳнат қилиб, ўзинг ва оиланг учун барча шароитларни яратасан. Аммо вақти келиб шундай ҳолат бўладики, нима қилишни, нималар билан машғул бўлишни билмай қоласан”, дея ван Дейкнинг сўзларидан иқтибос келтирмоқда Liverpool Echo.

Ван Дейк 2018 йилнинг январидан буён “Ливерпуль” шарафини ҳимоя қилиб келмоқда. Илгарироқ футболчи “Саутгемптон”, “Селтик” ва “Гронинген” клублари шарафини ҳимоя қилган.