Улуғбек Бақоев: "Ҳакамлар қарорини муҳокама қилишга ҳаққим йўқ"

Ўйин ҳақида

- Бу футбол, унда ҳамма нарса бўлиши мумкин. Кимда ғалабага бўлган иштиёқ кучли бўлса, ўша жамоа ютади. Дастлаб пенальтидан гол ўтказиб юбордик. Ҳисобни тенглаштирганимиздан сўнг яна дарвозамизга пенальти белгиланди. Рақиб юзага келган вазиятдан фойдалана олмагандан сўнг йигитларда ғалабага бўлган ишонч пайдо бўлди. Бугунги ўйин учун жамоамиз футболчиларига миннатдорчилик билдираман. Футболда гол урган ютади. Мухлислар ҳам бугунги ўйинни томоша қилиб завқланишди деб ўйлайман, уларни ғалаба билан табриклайман.

- Кейинги ўйинда "Бунёдкор" билан ўйнайсизлар. Шу ўйин ҳақида нималарни айта оласиз?

- Очиғини айтсам, бугунги ғалабадан сўнг ўзимга келиб улгурганим йўқ. "Бунёдкор"га қарши ўйинга жиддий тайёргарлик кўрамиз.

- Бугунги ўйинда "Сўғдиёна" дарвозасига икки бор пенальти белгиланди. Бу холатга "Турон" билан бўлган ўйиндаги ҳакамликнинг таъсири бор деб ўйлайсизми?

- Ҳакамлар қарорини муҳокама қилишга ҳаққим йўқ. Бунга тегишлича ҳакамлар қўмитаси баҳо беради. Биз кейинги ўйинга тайёргарликни давом эттирамиз.