Ули Хёнесс: "Толиссо ажойиб трансфер бўлди"

- Корентен Толиссо ҳақида бир қатор маълумотлар тўплашга улгурдим. Шуни айтишим мумкинки, биз ажойиб футболчини қўлга киритдик. Мен номдор ва кучли футболчиларни сотиб олишдан кўра, ёш ва келажаги порлоқ иқтидорларни жалб этишни тарафдориман. Менимча, бу жуда тўғри қарор бўлди.
Себастьян Руди ҳақида унинг ўйинлари жавоб бериб турибди. Умуман янги ҳаридларимиз ҳаммаси яхши бўлди.
Киммих ёш бўлишига қарамасдан етакчилик хусусиятини намойиш этмоқда. Конфедерациялар кубогида илиқ таассурот қолдирди.
Карло Анчелотти Киммихни асосий таркибда ўйнатмоқчи эканлигини эшитиш нақадар ёқимли. Ламни ўрнига Киммих муносиб ворис бўлишига ишонгим келади.
Биз ҳозир ўтиш давридамиз. Жамоамиз аста-секинлик билан ёшартирилмоқда ва авлодлар алмашуви кузатилмоқда. Режа ва мақсадлар? Биз камида Германия чемпиони бўлсак кўнглим тўлади.
Ҳозирча минимум чемпионликни кўзлаймиз. "Бавария" янгитдан қурилмоқда. Бу даврни ўтказиб олганимиздан кейин барча фронтларда фақатгина чемпионликни кўзлаймиз ва камида учта соврин бизнинг асосий вазифамиз бўлади.