U-23 Осиё кубоги. Тимур Кападзе: "Ҳар бир жамоа мусобақани ғалаба билан бошлашни истайди"

Ўзбекистон терма жамоаси бош мураббийи Тимур Кападзе журналистлар саволларига жавоб қайтарди.

"Барчани мусобақа бошлангани билан табриклайман. Ҳаммага омад тилайман. Мезбонлик учун Қатар давлатига раҳмат айтаман. Бизда жароҳат олган футболчилар йўқ, мусобақага тайёрмиз, тайёргарлигимиз режа бўйича кетмоқда", - деб гап бошлади Тимур Кападзе.

- Ўзбекистон аввалги мусобақаларда жуда ажойиб натижаларга эришган. Чемпион бўлган, вице-чемпион бўлган. Бу йилги мусобақада футболчиларнинг имкониятига қандай баҳо берасиз?
- Албатта турнирда ўз олдимизга катта мақсад қўйганмиз. Узоқ вақтдан буён ушбу мусобақага тайёргарлик кўряпмиз. Юқори мақсад сари ҳаракат қиламиз, йигитларнинг иқтидори ҳам, маҳорати ҳам етарли даражада деб ўйлайман.

- Эртанги рақиб – Малайзия ҳақида нима дея оласиз?
- Эртага мусобақадаги илк учрашувимизни ўтказамиз. Гуруҳдаги ҳар бир рақибни ҳурмат қиламиз. Ҳар бир жамоа ўзига яраша кучли. Биз ўз мақсадимизни бажаришга ҳаракат қиламиз, бу ерда осон ўйин бўлмайди. Шу боис барчаси майдонда ҳал бўлади.

- Мусобақанинг илк ўйинида 3 очко жуда муҳим ҳисобланади. Эртанги баҳсдан олдин йигитларда мотивация етарлими?
- Албатта, фақат биз учун эмас барча жамоалар учун стартни ғалаба билан бошлаш муҳим. Алоҳида мотивациянинг кераги йўқ. Бу биз учун биринчи мусобақа эмас, тажрибамиз бор. Ҳар бир баҳс муҳим, айниқса биринчиси.

Маълумот учун, Ўзбекистон - Малайзия учрашуви эртага, 17 апрель куни бўлиб ўтади. Учрашув Тошкент вақти билан соат 18:00да бошланади. 

Uzbekistan U23

AFC U23 Asian Cup Grp. D . Round 1 17/04/2024, 19:00 0 : 2 Finished

Malaysia U23

45'

90'

Open in Match Center