U-23 Осиё чемпионатига саралаш. Мусобақага йўлланма олган 10та жамоа маълум

Ҳали барча ўйинлар тўлиқ тугагани йўқ. Шунга қарамай, аксар гуруҳларда муваффақиятли иштирок этиб келаси йил Таиландда бўлиб ўтадиган U-23 Осиё чемпионати йўлланмасини қўлга киритган жамоалар маълум бўлди. 

Саралаш босқичида жамоалар 11та гуруҳда кураш олиб боришди ва ҳозирча 8та гуруҳда 3-тур баҳслари ўз якунига етди. Шундан сўнг гуруҳдан биринчи ўринни эгаллаган ҳамда иккита энг яхши иккинчи ўрин кўрсаткичи қайд этган жамоалар аниқ бўлди. 

Хабарингиз бор, бугун Ўзбекистон олимпия терма жамоаси Тожикистон билан 0:0 ўйнаб гуруҳни биринчи ўринда тугатди. Саралаш баҳслари якунига етган 8та гуруҳдан қуйидаги пешқадам жамоалар мусобақа йўлланмасини қўлга киритишди: КХДР, Ироқ, Иордания, Ўзбекистон, Ж.Корея, Япония, Хитой ва Вьетнам. Шунингдек, Австралия билан Эрон ҳам энг яхши иккинчи ўрин кўрсаткичи билан U-23 Осиё чемпионатига йўл олди. 

Қолган омадли бешта жамоа номи бугун тунда маълум бўлади.