Триппьер: "Сиз Лионель Мессидан тўпни тортиб ололмайсиз!"

Лионель Мессининг Аргентина терма жамоаси билан Қатардаги мундиалда Жаҳон чемпионати бош совринини қўлга киритиши барча даврларнинг энг яхшиси ким, деган баҳсларга нуқта қўйди.

Айнан шу савол билан Англия терма жамоаси билан Жаҳон кубоги ярим финалчиси ва Европа чемпионати финалчиси бўлган Киран Триппьерга мурожаат қилсангиз, у Париж клуби юлдузига қарши ўйин тажрибасига асосланиб, юқоридаги фикрга шубҳа билдирмайди:

"Менга қарши ўнаган энг яхши ўйинчи – албатта Месси. У майдондаги сеҳргар, сиз ундан тўпни тортиб ололмайсиз".

Англия термаси ва "Ньюкасл" жамоаси ҳимоячиси етти карра "Олтин тўп" соҳиби ҳақида фақатгина ижобий фикрда эканини билдирди.