Latest news

19:21"CAFA Nations Cup-2025". Ўзбекистон - Эрон (матнли трансляция)  37 19:13Гвардиола Абдуқодир Хусанов учун янги режа ишлаб чиқди  0 18:35CAFA Nations Cup. Ўмон Ҳиндистон билан 3-ўрин учун беллашмоқда (онлайн ҳисоб)  7 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  6 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  14 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  9 17:02CAFA Nations Cup финалига мезбонлик қилаётган "Олимпия" стадионидан ГАЛЕРЕЯ  7 16:23"Барселона" Фликнинг асосий футболчиларидан бири билан янги шартнома имзоламоқчи  0 15:55Шомуродов ва Файзуллаев ўйнаётган "Истанбул Башакшеҳир" бош мураббийи истеъфога чиқарилди  5 15:35Жанни Инфантино ўзбек спорти раҳбарияти билан ҳамкорликда Олимпия шаҳарчасида бўлди  4 15:11Али Алиев Қозоғистон терма жамоасидаги шармандаликдан сўнг истеъфога чиқди  7 14:25"Манчестер Сити" футболчиси Қозоғистон билан ўйиндан сўнг Дастан Сатпаевни мақтади  7 13:58"Бу Эрон терма жамоасида "олтин авлод"нинг охирги даври бўлиши мумкин" — эронлик журналист  4 13:32Эрон ҳамда Ўзбекистон ўртасидаги финални ким бошқариб боради?  6

Тошкентда майдон муаммоси News

Тошкентда майдон муаммоси

Сифатли футбол учун сифатли майдон керак.

1-19 июнь кунлари Ўзбекистон U-23 Осиё чемпионатига мезбонлик қилди. Жами 4та стадионда 32та учрашув ўтказилди. "Бунёдкор" ва "Пахтакор" 19 кун ичида 9тадан ўйинни қабул қилган бўлса, "Локомотив" стадиони 11 кунда 8та, Қаршидаги "Насаф" марказий ўйингоҳи эса бир ҳафтада 6та беллашувга мезбонлик қилди.

Мусобақани яхши ўтказиб олдик. U-23 терма жамоамиз финалга қадар бориб, мухлисларга хушкайфият улашди. Анчадан бери берма жамоага бу қадар юқори қизиқишни кўрмагандик. Осиё чемпионати якунига етгач, Суперлиганинг 2та тури ўтказилиб, шу билан жамоалар биринчи даврани якунлаб ёзги танаффусга чиқишди. 

Август ойи бошида иккинчи даврага старт берилди ва шу билан бирга майдон муаммоси ҳам юзага чиқди. Ҳозир Тошкентда маза қилиб футбол ўйнаса бўладиган яхши майдон қолмади ҳисоб. Балки "Пахтакор" майдони ҳамон ўз ҳолатини сақлаб тургандир, лекин "Локомотив" ва "Бунёдкор" майдонлари ҳақида бундай деб бўлмайди. 

ПФЛ бош директори Диёр Имомхўжаев ўз телеграм каналига "Бунёдкор" майдонининг бугунги суратини қўйди. Чим буткул олиб ташланган, афтидан яна янги чим ётқизилади, бу дегани камида бир йилга майдон кетди. Шунинг учун ҳам бугун бўлиб ўтадиган "Бунёдкор" - "Қизилқум" учрашуви "Локомотив" стадионида ўтказилади.

Фото манбаси: Диёр Имомхўжаев телеграм канали


"Локомотив" майдони ўтган йил Чемпионлар лигаси Шарқ минтақаси ўйинларидан жабр чекканди. Ўшанда ҳам кетма-кет 8тача учрашув ўтказилганди. Орадан бир йил ўтиб U-23 Осиё чемпионати ўйинларини қабул қилди. Майдонга деярли дам берилмади. Шунинг учун ҳозирги пайтда майдон ҳолатини идеал деб бўлмайди. 

Тошкентда яна бир яхши стадион бор: майдони идеал ҳолатда бўлган (фақат ҳозир эмас) ТТЙМИ стадиони. Афсуски, бу стадион майдонини ҳам мақтаб бўлмайди. U-21 биринчилигидан ўрин олган "Локомотив" - "Қизилқум" учрашуви 4 август куни шу ерда бўлиб ўтиши лозим эди, бироқ майдон туфайли ўйин Қибрайдаги стадионга кўчирилди. 

Кеча "Локомотив-W" аёллар жамоаси мажбуран "Сўғдиёна-W" билан учрашувни Чиғатой стадионида ўтказди. Ваҳоланки, "Локомотив-W" қизлари ҳам Олий лига уй учрашувларини ТТЙМИда ўтказиб келаётганди. 

"Локомотив" майдони ҳозирги ҳолатда


Албатта, биргина U-23 Осиё чемпионати сабаб майдонлар бирданига ёмон ҳолатга келиб қолди дейиш бироз нотўғри. Лекин мусобақа шуни кўрсатдики, бизнинг стадионлар қисқа вақт ичида кетма-кет ўйинларни қабул қилишга тайёр эмас экан. 

P.S. Келаси йил Ўзбекистон яна бир мусобақага мезбонлик қилади. Бу сафар U-20 Осиё чемпионати бизда ўтказилади. Мусобақа кунлари даҳшат: 1-18 март. Бу Осиё чемпионати жаҳон чемпионатига йўлланма беради (4та кучли жамоа чиқади). Мартнинг бошида майдонларимиз қай ҳолатда бўлишини бир тасаввур қилиб кўринг-а. 

Хайрулла Холиқов.

Rating: +2   

Comments

championat.asia
< show latest news
Яндекс.Метрика