Тимур Кападзе: "Руҳий томондан хотиржам эдик"

- Чемпионатнинг дастлабки баҳси бўлишига қарамай ўйин кескин ва муросасиз курашлар остида кечди. Наманганда ҳар қандай жамоага ҳам ўйнаш осон бўлмаган. Бугун ҳам биринчи бўлимда қийинчиликларга дуч келиб, ўз дарвозамиздан тўп олиб чиқишга мажбур бўлдик. Шунга қарамай йигитлар билан охиригача курашдик. Гувоҳи бўлганингиздек учрашувнинг иккинчи ярмида яхши ўйнаб ғалабани қўлга киритдик. Фурсатдан фойдаланиб, "Навбаҳор" жамоасига омад тилайман, - дейди Кападзе.

- Рақиб ўйини ҳақида нималарни айта оласиз?
- Наманганликлар учун бугун имтиҳон ўйин бўлди. Негаки, биз чемпионатга қадар  иккита ўйинда майдонга тушишга улгурганлигимиз сабабли руҳий томондан бироз хотиржам эдик. Назаримда "Навбаҳор" футболчиларига айнан шу хотиржамлик етишмади деб ўйлайман. Бундан ташқари жамоа таркиби энди шакллантирилмоқда. Яъни таркибда янгилар кўп. Ўйлашимча жамоа ўйини турдан-турга кучайиб боради.

"Навбаҳор" матбуот хизмати