Терма жамоа бугун “Жар”да машғулот ўтказади
02 sep 2013 12:19
News

Терма жамоа бугун “Жар”да машғулот ўтказади

Бугун миллий терма жамоамизнинг деярли тўлиқ таркибда машғулот ўтказиши кутилмоқда.

Ўтган ҳафтанинг дам олиш кунлари хориж чемпионатларида ички биринчилик ўйинлари давом эттирилди ва бунда легионерларимиз ҳам майдонга тушишди. Легионерларнинг баъзилари Тошкентга етиб келишган бўлса, қолганлар бугун келишади.

Кеча терма жамоа аъзолари “Бунёдкор” спорт мажмуасида тикланиш машқларини олиб боришди. Машқлар куннинг биринчи ярмида бўлиб ўтди. Футболчилар асосан бассейнда сузишди, шунингдек, сауна қабул қилишди. Бугундан эса яна тўп билан ишлаш давом этади. “Жар” стадионида ўтказиладиган машғулот соат 17:00да бошланади. Яна бир гап. Футболчиларимизнинг кайфияти ҳам, соғлиги ҳам жойида. Ҳеч кимни жароҳат безовта қилаётгани йўқ.

Хайрулла ХОЛИҚОВ.

Link :

Source : championat.asia

Receive latest football news directly on your phone. Subscribe for our Telegram channel!

Rating: