Latest news

16:13Дракслер етакчилигидаги "Ал Аҳли" Андижонда!  3 15:55Ўзбекистон футбол ассоциацияси Эрон терма жамоаси собиқ устозига жиддий қизиқмоқда  11 15:20"Валенсия" Винисиус ҳақидаги ҳужжатли фильм туфайли Netflix'ни судга берди  5 14:57ФИФА ЖЧ-2026 саралашида иштирок этаётган терма жамоага техник мағлубият ёзди  0 14:30Кападзе ФИФА кунларида терма жамоа бошқарувида бўлади  14 14:02Ротация режалаштирилган. "Реал" "Қайрат"га қарши ўйинда майдонга тушириши мумкин бўлган футболчилар маълум  6 13:39"Милан" ва "Интер" "Сан Сиро"ни бузади  0 13:17"Машъал" "Бухоро" билан ўйиндан олдин 2 нафар йўқотишга эга  3 12:57Аҳрор Рисқуллаев Суперлигада юбилей ўйинини бошқарди  4 12:34Уругвайнинг асосий футболчилари Ўзбекистонга қарши баҳсни ўтказиб юбориши мумкин  3 11:45"Насаф" "Ал Ҳилол"га кичик ҳисобда мағлуб бўлган учрашувдан галерея  5 11:20Игорь Сергеев: "Илк дақиқалардан вақт чўзиш ҳолати кузатилди, муҳими ғалаба қозондик"   0 10:48"Арсенал" асосий футболчиси билан узоқ муддатли шартнома имзолади  0 10:22Клопп Осиё жамоасини бошқариши мумкин  1 09:55Хави МЮни бошқаришга рози  8

Такси ҳайдовчисини калтаклагани учун ҳибсга олинган легионер "Бунёдкор" дарвозасига супергол урди News

Такси ҳайдовчисини калтаклагани учун ҳибсга олинган легионер "Бунёдкор" дарвозасига супергол урди

Черногориялик ярим ҳимоячи билан боғлиқ қизиқарли, бироқ бироз кўнгилсиз воқеа билан ўртоқлашамиз.

2015 йилнинг сентябрида, жумадан шанбага ўтар кечаси тун пайти черногориялик беш нафар футболчи маҳаллий такси ҳайдовчиси Неша Ячимовични калтаклаб, унга тан жароҳати етказишган.

Зўравонлар орасида "Единство" клуби футболчиси Армин Бошняк ҳам бўлган. Ҳайдовчи тезда шифохонага ётқизилган, унга мия чайқалиши, бош қисми ҳамда қўл ва оёқ бўғимларининг шикастланиши ташхиси қўйилган. 

"Улар машинага ўтириши билан орасидан бири машинанинг том қисмини ура бошлади. Мен эса улардан манзилга етгунга қадар ўзларини тўғри тутиши кераклигини айтдим. Яна бири эса уларнинг беш киши эканлигини айтиб, гапга қулоқ солмади. Ахийри улардан машинадан тушларишни сўрадим. Орқага ўтирган йигитлардан бири эса бошимга урди. Хавфсизлик камарини ечиб, машинадан тушмоқчи бўлганимда, бошимга кучли зарба тегди ва ерга йиқилдим. Тиззалаб қолганимда мени дўппослай бошлашди.

Ўзимни қутқариш учун қўшним Раиф Медедовичнинг уйи томон югурдим. Ортимдан учтаси етиб олди ва улардан бири томоғимдан бўға бошлади. У шунчалик қаттиқ қисди-ки, ҳушимни йўқотаёздим. Мен қўйиб юборинг, деб ёлвордим, лекин улар тўхтамади. Қандайдир тарзда қўшнимга қўнғироқ қилишга муваффақ бўлдим, у эса эпчиллик билан югуриб чиқиб, мени қутқариб қолди. Ишончим комилки, қўшним бўлмаганда, омон қолмаган бўлардим, ундан бениҳоя миннатдорман", — деди ҳайдовчи.

Қайд этилишича, футболчилар ўша куни спиртли ичимликлар истеъмол қилган.

Воқеадан сўнг зўравонлар ҳибсга олиниб, сўроқ қилингач, қўйиб юборилган. Бошняк клуб интизом қоидаларини бузганлиги учун дисквалификация қилинган.

Шофёр эса бундан норози бўлган: "Мен калтакланган ҳолда қимир этолмай ётибман, улар эса шаҳар кезиб юришибди. Бундай адолатсизликка чидаб бўлмайди".

29 ёшли футболчи фаолияти давомида "Единство" (Черногория), "Искра" (Черногория), "Рудар Плевля" (Черногория), "Зета Голубовац" (Черногория), "Балкани" (Косово), "Тампинс Роверс" (Сингапур) каби клубларда тўп тепган. 

Яқинда эса у 2024 йилнинг ёзигача "Андижон" билан шартнома имзолади.

Янги клуби сафидаги иккинчи ўйинида эса "Бунёдкор" дарвозасига ажойиб гол урди, бироқ бу ҳам жамоасини ҳам мағлубиятдан қутқариб қола олмади.


Оқил Абдубарноев тайёрлади.

Rating: -5   

Comments

championat.asia
< show latest news
Яндекс.Метрика