Latest news

18:27Артета: "Биз "Сити" билан ўйинда доминантлик қилдик"  0 18:00"Олтин тўп" ва "The Best" мукофотлари ўртасида қандай тафовут мавжуд?  0 17:38"Реал" "Олтин тўп" маросимини бойкот қилди  11 17:12"Манчестер Юнайтед" футболчиси Instagram ва Facebook'даги барча суратларни ўчириб ташлади. Мухлислар уни бунга мажбур қилди  2 16:45Футзал. Ўзбекистон - Шарқий Тимор 7:1  4 16:14"Барселона" Ҳоландга кўз тикди  6 15:47ПСЖ "Олтин тўп"ни топшириш маросимида қатнашмайди. Нима учун?  11 15:25Хет-трик қайд этган легионер, рақибни тор-мор келтирган мураббий, финт билан гол урган футболчи — Суперлигада 22-турнинг энг яхшилари  3 15:03Цигер, Исмоилов, Ғиёсов, Табатадзе, Бегич... Суперлига 22-тур рамзий терма жамоаси  0 14:42Клюйверт Гиннес рекордлар китобига кирди  5 14:16"Арқадағ" вакиллари давлат мукофотига эга бўлди  16 13:49"Андижон" сўнгги сонияларда мағлубиятдан қутулиб қолган "Сўғдиёна" билан баҳсдан ГАЛЕРЕЯ  0 13:23Эшитдик-да! Ўзбекистон МТЖ 9 октябрь куни Тошкентда ўртоқлик ўйини ўтказади  22 13:01U-17 Осиё Кубоги финалида қизил карточка олган Сарсенбаев ЖЧ гуруҳ босқичида Ўзбекистон терма жамоасига ёрдам беролмайди  6 12:40Суперлига. 23-тур учрашувларига ҳакамлар тайинланди  6

Таиландга ҳам бир назар ташлаймиз: футзал бўйича Осиё Кубоги бошланмоқда! News

Таиландга ҳам бир назар ташлаймиз: футзал бўйича Осиё Кубоги бошланмоқда!

Айни пайтда ҳамманинг диққат эътибори Қатарда давом этаётган футбол бўйича Осиё Кубогига қаратилган.

Эртага Таиланд пойтахти Бангкок шаҳрида ҳам Осиё биринчилиги старт олади, фақат футзал бўйича. 

17-28 апрель кунлари ўтказиладиган Осиё Кубоги ОФК томонидан 17-бор ташкил этилмоқда. Эрон, Таиланд, Япония ва Ўзбекистон (17 тадан) турнирда энг кўп иштирок этган жамоалар сирасига киради.



Турнирда 16 та жамоа иштирок этади. Тўртта кучли жамоа (Ўзбекистондан ташқари) шу йил юртимизда ўтадиган Жаҳон чемпионатида иштирок этади. Мезбон давлат Ўзбекистон автоматик тарзда бўлажак Жаҳон чемпионати иштирокчисига айланган. Шундай қилиб, агар Ўзбекистон ярим финалга чиқса, мундиалнинг сўнгги йўлланма эгасини аниқлаш учун алоҳида плей-офф босқичи такшил қилинади. 


"А" гуруҳи

1. Таиланд

2. Вьетнам

3. Мьянма

4. Хитой


"C" гуруҳи

1. Япония

2. Тожикистон

3. Корея Республикаси

4. Қирғиз Республикаси 


"D" гуруҳи

1. Эрон

2. Кувайт

3. Баҳрайн

4. Афғонистон


Ўзбекистон терма жамоаси "B" гуруҳида Саудия Арабистони, Ироқ ва Австралияга қарши ўйнайди. Австралияга қарши илк учрашув 17 апрель куни 14:00 да старт олади. ТВ қаршисига яхшилаб ўрнашиб олинг ва ўтказиб юборманг!

1-тур

Ўзбекистон – Австралия

17.04.2024 | 14:00


2-тур

Ироқ – Ўзбекистон

19.04.2024 | 19:00


3-тур

Ўзбекистон – Саудия Арабистони

21.04.2024 | 19:00



Хосе Венансио Лопес мусобақада қуйидаги таркиб билан қатнашади:

Равшан Элибоев, Аббос Элмуродов, Фазлиддин Ботиров, Машраб Одилов, Ихтиёр Ропиев, Суннат Жўраев, Илҳом Ҳамроев, Дилшод Раҳматов, Ҳусниддин Нишонов, Элбек Тўлқинов, Акбар Усмонов, Аброр Ахметзянов, Меҳрож Худойбердиев, Самариддин Беркинов.

Афсуски, муҳим ўйинчилардан Даврон Чориев ва Анасхон Раҳматов жароҳат туфайли терма жамоага ёрдам беролмайди.



Плей-офф

Плей-офф босқичида ғолибни аниқлаш учун қўшимча таймлар ва пенальтилар сериясига мурожаат қилинади. Учинчи ўрин учун ўйинда қўшимча тайм бўлмайди.


Чорак финал

1) "А" гуруҳи ғолиби "B" гуруҳи финалчиси

2) "C" гуруҳи ғолиби "D" гуруҳи финалчиси

3) "B" гуруҳи ғолиби "А" гуруҳи финалчиси

4) "D" гуруҳи ғолиби "C" гуруҳи финалчиси


Ярим финал

"A"/"B" ғолиби – "C"/"D" ғолиби

"B"/"A" ғолиби – "D"/"C" ғолиби


Ютқазган жамоалар 3-ўрин учун баҳсда қатнашса, ютганлар финалда ўйнайди.


Хосе Венансио Лопес мусобақа олдидан фикрлари билан ўртоқлашаркан, асосий вазифа олдинги натижани яхшилаш эканлигини таъкидлаб ўтди. Маълумот ўрнида, Ўзбекистон бунга қадар 4 марта иккинчи, 5 марта учинчи поғонадан жой олган.

"Осиё Кубоги мусобақасида Ўзбекистон терма жамоасидан энг яхши натижани кутяпман. Биз ҳар бир мусобақа олдидан олдимизга энг юқори мақсадларни қўямиз, яъни Осиё чемпионлигини қўлга киритиш, лекин асосий вазифамиз олдинги натижамизни яхшилашдан иборат. Ўтган Осиё Кубогида Ўзбекистон 3-ўринни қўлга киритган. Демак, биринчи навбатда, олдинги турнирдаги натижамизни янада яхшилашга ҳаракат қиламиз".



Дарҳақиқат, Осиё Кубоги Ўзбекистон учун алоҳида аҳамият касб этади, чунки терма жамоа бу турнирда ҳеч қачон чемпион бўлмаган. Бундан ташқари, Осиё биринчилиги юртимизда бўлиб ўтадиган мундиаль олдидан ўзига хос тайёргарлик вазифасини ўтаб беради.

Йигитларга омад тилаймиз ва чемпионликни кутамиз!

Author : Sherzod Nurmatov
Rating: +11   

Comments

championat.asia
< show latest news
Яндекс.Метрика