Суперлиганинг 16-иштирокчиси "Бунёдкор" стадионида аниқланади
03 dec 2024 18:20
News

Суперлиганинг 16-иштирокчиси "Бунёдкор" стадионида аниқланади

9 декабрь куни Суперлига учун плей-офф босқичининг сўнгги учрашуви бўлиб ўтади.

Унда "Шўртан", "Олимпик", "Қўқон-1912" ёки "Металлург" жамоалари орасидан 2 таси Суперлиганинг сўнгги иштирокчиси номига ойдинлик киритиш учун майдонга тушади.

Лига аввалроқ мавсумнинг сўнгги беллашувини ОКМК стадионида ўтказишни режалаштирганди. Аммо "Металлург" Суперлига турнир жадвалида 13-ўринга кўтарилиб олди ва 9 декабрь куни майдонга тушиш эҳтимоли бор клублар қаторига қўшилди. Сир эмаски, "Металлург" 2024 йилги мавсум давомида ўзининг уй учрашувларини Олмалиқ шаҳрида ўтказди. Шундан келиб чиқиб, Лига ОКМК стадиони масаласини кун тартибидан олди.

Юқорида номи қайд этилган жамоалардан "Қўқон-1912" ҳамда "Шўртан" плей-оффнинг охирги учрашуви "Бунёдкор" стадионида ўтиши масаласига хайрихоҳлик билдирди. Шу тариқа Лига плей-офф учун "Бунёдкор" стадиони билан келишувга эришди. Беллашув 9 декабрь куни 15:00 да старт олади.

Link :

Source : ЎзПФЛ матбуот хизмати

Receive latest football news directly on your phone. Subscribe for our Telegram channel!

Rating: +1