Суперлига қайтмоқда! "Бухоро" - "Бунёдкор" учрашуви учун превью

Аслида мазкур баҳс 14 июль куни бўлиб ўтиши керак эди, бироқ "Бунёдкор" клуби аъзосида коронавирус инфекцияси аниқлангани боис ўйин бошыа муддатга қолдирилганди. "Бухоро" бу мавсум ғалаба қозона олмаган учта клубдан бири бўлиб турибди. "Бунёдкор" эса охирги учта турда умуман мағлуб бўлгани йўқ.

Суперлигада юзага келган иккинчи мажбурий танаффус вақтида "Бухоро" мураббийлар штабида ўзгариш юзага келди. Муҳсин Муҳаммадиев билан келишилган ҳолда шартнома бекор қилинди ва унинг ўрнини Жамшид Саидов эгаллади. Мураббийлар штабига руминиялик Августин Чирита келди, Николай Минчев эса техник директор лавозимида иш бошлади. Жамоага Максимилиан Фомин ва Илҳом Алижонов каби ҳимоячилар келишди. Март ойида ўз юртига учиб кетган канадалик легионер Милован Капор эса яқинда "Атлетико Оттава" клуби билан шартнома тузди.

"Бунёдкор"да эса клуб раҳбариятида ўзгариш юзага келди. Бош директор Улуғбек Мирзаев ўрнига Айниддин Ғиёсов тайинланди. Жамоанинг собиқ аъзоси Хуршид Ғиёсов яна "Бунёдкор"га қайтди. "Машъал"дан ижарага олинган Ҳумоюн Муртозаев ва Сардор Абдураимов Муборак клубига қайтиб кетишди.

"Бухоро" ва "Бунёдкор" клублари ҳозирга қадар Ўзбекистон чемпионатида 26 марта тўқнаш келишган. Катта устунлик "қалдирғочлар" томонида. 19 бор Тошкент клуби ғолиб бўлган, 6 бор дуранг қайд этилган ва фақат бир марта "Бухоро" зафар қучган.

Ўзаро охирги 7та учрашувда "Бухоро" умуман ғалаба қозона олмаган. Ўтган мавсумда бу икки клуб ўртасидаги ҳар иккала баҳс ҳам дуранг натижаси билан тугаган.

Бу жамоаларнинг U-21 Биринчилиги доирасидаги ўйини 15 август куни бўлиб ўтиши керак эди. Бироқ кеча ушбу баҳс 30 августга қолдирилгани ҳақида хабар берилди. Бунинг сабаби ёзилгани йўқ.

Coca Cola Суперлига. 9-тур
«БУХОРО» – «БУНЁДКОР»
14 август. Тошкент. «Пахтакор» стадиони. 19:00 (Спорт ТВ LIVE)
Ҳакамлар: Акобирхўжа Шукуруллаев, Ҳасан Набиев, Далер Тиллоев, Аҳмаджон Эргашев.
Назоратчи: Сардор Нажафалиев.
Комиссар: Жаҳонгир Раҳматуллаев.

Муаллиф тахмини: Иккала жамоада ҳам ўзгаришлар бўлди. Бироқ бу ўйинда "Бунёдкор" барибир фаворит. Агар вазиятлардан унумли фойдалана олишса Абрамов шогирдлари кичик ҳисобда ғалаба қозонишлари мумкин - 2:1.

Bukhara Jasur Hasanov - 78'

Superliga. Round 9 14/08/2020, 19:00 1 : 1 Finished

Bunyodkor Islom Qobilov - 22'

45'

90'

5'  Bekzod Sayidov

11'  Solibek Karimov

64'  Анваржон Джураев (Sukhrob Nematov)

69'  Jasur Hakimov (Izzat Abdullaev)

73'  Zokhir Pirimov (Behruz Sadilloyev)

73'  Azizbek Amonov (Shakhzod Beshimov)

78'  Jasur Hasanov

22'  Islom Qobilov

22'  Sanjar Qodirqulov

55'  Valeriy Akopov (Selim Nurmuradov)

55'  Shakhboz Erkinov (Mirjakhon Mirakhmadov)

84'  Farrukh Ikramov (Bakhodir Pardaev)

Open in Match Center

Нарзулла тайёрлади