Суперлига. “Навбаҳор” биринчи зарбда тиззасигача, иккинчи зарбда эса белигача пастга тушди
13 apr 2018 10:39
News

Суперлига. “Навбаҳор” биринчи зарбда тиззасигача, иккинчи зарбда эса белигача пастга тушди

Сарлавҳага жиддий эътибор бериш шарт эмас. Шунчаки “Навбаҳор” Жиззахдаги шок ҳолатидан кейин қанчалик шўнғигани бугун эътиборимизда бўлади.

Бир тур аввал ҳам Наманган клуби Чемпионлик йўлида кураш олиб борувчилар қаторида эди. Яъни, юқори зонада бешинчи жамоа бўлиб турганди. “Сўғдиёна” майдонидаги қандайдир 10 дақиқа эса клубни нафақат Жон сақлаш пайидагилар қаторига туширди, балки шу зонанинг хавфли йўлагига ҳам киритиб қўйди.

Бу фақатгина 6-турдан кейинги ҳолат. Бўлиниш фақатгина 22-турдан кейинги ҳолатга кўра оптимал вариантга келади. Ҳозир эса “Бунёдкор”нинг марказий ўйинлардаги натижасига қойил қолишдан бошқа чора йўқ. Юқори олтиликнинг 4 та жамоаси билан ўйнаб улгурган “қалдирғочлар” жами 10 очко ишлаб олди.

Чемпионлик йўлида

Бунёдкор 4 3 1 0 8:3 10

Насаф 2 1 1 0 4:2 4

Бухоро 3 1 0 2 3:6 3

Пахтакор 3 1 0 2 2:3 3

АГМК 2 0 1 1 2:3 1

Металлург 2 0 1 1 2:4 1

“Қўқон-1912” эса “Навбаҳор”нинг қўшни бўлишидан манфаат кўрди. Бир тур аввал жамоанинг “Навбаҳор”га қарши ўйини ҳисобда ўчириб турилганди. Бу сафар эса шунинг ҳисобига қўқонликларда ўсиш кўринди.

Ва энди “Нефтчи”га разм солинг. Қуйи олтилик вакилларига қарши 1 тагина ўйинда иштирок этган экан. Демак, унинг жуда кучсизлиги борасида фикр билдиришга ҳали эрта. Чунки у юқори олтиликда бораётган клублардангина мағлуб бўлаётган экан. Бундан чиқди, ўз қўшниларига қарши ўйинларда балки бирор яхши натижадан умид қилса бўлар...

Жон сақлаш йўлида

Қўқон-1912 3 2 1 0 4:1 7

Локомотив 3 1 1 1 4:3 4

Сўғдиёна 3 1 1 1 4:5 4

Навбаҳор 3 1 0 2 4:4 3

Қизилқум 3 1 0 2 3:6 3

Нефтчи 1 0 1 0 0:0 1