Latest news

00:48Виктор Гёкерешни яхшигина пулга сотган "Спортинг" 25 млн. еврога Луис Суаресни сотиб олди  1 00:27Равшан Эрматов: "Ўртоқлик ўйинлари ҳақида бир тўхтамга келганимиздан сўнг хабар берамиз"  5 00:10Уче Бриансео Нвадике: "Осиё кубоги саралаш босқичида нималарга қодир эканлигимизни кўрсатамиз"  0 23:44Мираброр Усмонов Кубоги-2025. Индивидуал совринлар кимларга насиб этди?  1 23:26Тимур Кападзе: "Аргентина ва Уругвай билан ўйин... Бу маълумот ҳақиқатга яқин"  18 23:00"Бавария" Риберининг учинчи ўринбосари учун 75 млн евро сарфлади. Бу сафар натижа қандай бўларкин?  2 22:53Тер Стеген ва "Барселона" ўртасидаги муносабатлар таранглашганми?  1 22:22"Нефтчи" уч нафар футболчи билан шартнома имзолади  2 22:10U-23. Ўзбекистон – Япония 0:2  4 21:55Мираброр Усмонов Кубоги-2025. Япония U-23 Ўзбекистонни мағлуб этди ва турнир ғолибига айланди  75 20:56ПСЖ Доннарумма борасида "Челси", "Галатасарой" ва бошқа клублар таклифларини кўриб чиқишга тайёр  4 19:57"Локомотив" Тожикистон жамоасидан енгилди  3 19:43"Эвертон" Кубога қизиқиб қолди  0 19:19Жака АПЛга қайтмоқда   1 18:39Гвардиола "Барселона"га қайтадими?  11

Суперлига-2025. Жасур Ҳасанов, Суҳроб Султонов, Артём Филипосян, Александр Лобанов ҳеч қайси клуб қайдномасига кирмади News

Суперлига-2025. Жасур Ҳасанов, Суҳроб Султонов, Артём Филипосян, Александр Лобанов ҳеч қайси клуб қайдномасига кирмади

ЎзПФЛ Суперлига жамоаларининг янги мавсум учун қайдномасини навбати билан эълон қилиб бормоқда.

Жамоалар таркибига назар ташлар эканмиз, бир қатор тажрибали номдор футболчилар йўқлигига гувоҳ бўлишимиз мумкин. Хусусан, ўтган мавсумда "Бухоро" билан Суперлигага йўлланма олган Жасур Ҳасанов бу йил Суперлиганинг ҳеч бир жамоасининг қайдномасидан ўрин олгани йўқ. Маълумот учун, бу йио 42 ёшга тўладиган Ҳасанов фаолияти давомида "Сўғдиёна", "Навбаҳор", "Машъал", "Бунёдкор", "Локомотив", "Қизилқум", "Насаф", ОКМК, "Бухоро" жамоаларида тўп тепган. 

2024 йилда "темирйўлчилар" дарвозасини қўриқлаган Суҳроб Султонов ҳам бу мавсумда Суперлига жамоалари йиғинларида кўриниш бермади. Суҳроб Султонов Суперлигада "Металлург", ОКМК, "Бунёдкор" жамоалари шарафини ҳимоя қилган.

"Қизилқум"нинг содиқ футболчилари Файзулла Қамбаров ва Азизбек Усмонов ҳам мавсумни элитада бошламайдиган бўлди. Ушбу икки футболчи 2013 йилдан буён навоийликлар либосида ҳаракат қилиб келаётган эди. Усмонов 2018 йил маълум вақт "Сурхон"да тўп тепган ва яна "Қизилқум"га қайтган. 

Тажрибали марказий ҳимоячи Артём Филипосян ўтган мавсумни Ҳасанов каби Бухорода ўтказди ва жамоа билан Суперлига чиптасини қўлга киритди. Аммо футболчи бирон жамоа билан шартнома имзоламади. 

Сўнгги икки мавсумда катта футболдан узоқда юрган Шерзод Аъзамов катта эҳтимол билан бутсаларини михга илган бўлиши мумкин. Футболчи Суперлигада охирги маротаба 2022 йил октябрь ойида "Пахтакор" таркибида "Насаф"га қарши майдонга тушган эди. Шундан буён уни яшил майдонда кўрганимиз йўқ.

Дарвозабон Александр Лобанов 2024 йилнинг ёзги трансферлар ойнасида "Навбаҳор" сафини тарк этган эди. Киперни эса 2025 йил Суперлиганинг дастлабки даврасида кўрмаймиз. У ҳеч бир жамоа сафига қўшилгани йўқ. 

"Металлург", "Бунёдкор", ОКМК жамоаларидаги фаолияти билан танилган Муроджон Тошматов ва Мирғиёс Сулаймонов Суперлига жамоалари билан шартнома имзоламади. Сулаймонов 2024 йилнинг биринчи даврасини Бекободда, Тошматов эса Олмалиқда ўтказганди.

Rating: +4   

Comments

championat.asia
< show latest news
Яндекс.Метрика