Суонси Сити Шелви учун $10 млн тўлашга рози бўлди
03 jul 2013 11:04
News

Суонси Сити Шелви учун $10 млн тўлашга рози бўлди

Суонси Сити жамоаси Ливерпуль ярим ҳимоячиси Жонжо Шелви учун 10 миллион АҚШ доллари тўлашга рози бўлди ва хозирда футболчининг ўзи билан хафтанинг якунигача шартнома имзолашга келишмоқда.

21 ёшли футболчини бундан уч йил аввал Ливерпуль Чарльтондан 3 миллион АҚШ доллари эвазига сотиб олганди. Аммо у захирада қолиб кетавергач, жамоа бош мураббийи Брендан Роджерс унга ўзига асосий таркибда ўйнаш имконини берадиган жамоа қидириши мумкинлигини айтганди.

Футболчига Кристал Палас, Вест Хам ҳамда Норвич клубларидан ҳам таклиф тушган, аммо Суонсининг таклифи қониқарлироқ бўлган.

Англия миллий терма жамоаси ноябрь ойида Швецияга мағлуб бўлган учрашувда англияликлар таркибида дебют қилган Шелви Премьер Лигада атиги 17 ўйинда майдонга тушган. Аммо у Уэльс клубига ўтса, Европа лигасида ўйнаш имкониятини қўлга киритиб, ўзининг нимага қодир эканлигини намойиш қилиши кутилмоқда.

Суонси сешанба куни учта хариди ҳақида эълон қилганди. Булардан энг йирикларидан бири, ҳарид нархи ошкор этилмаган Реал Бетис ярим ҳимоячиси Алехандро Поцуэло. Ўтган мавсумда Бетис таркибида 11 учрашувда майдонга тушган бу 21 ёшли футболчи Суонсининг еттинчи Испаниялик футболчиси бўлди.

Link :

Source : guardian.co.uk

Receive latest football news directly on your phone. Subscribe for our Telegram channel!

Rating: