Star wars ёки юлдузлар жанги. “Реал” ва “Барселона” “Эль Классико”га қандай тайёрланишяпти?

Янги мавсумда буюк жанг янги ранглар билан бўялади. “Барселона”даги қайта тузилиш фақатгина футболчиларга эмас, балки мураббийлар штабига ҳам таьсир қилди. Каталониянинг бир неча ўн йиллик рақиби ўзининг устунлигини янада оширмоқчи. Ўтган мавсумда Чемпионлар Лигаси ва қирол Кубогига эга чиққан мадридликлар бу мавсум тўхтаб қолиш ниятлари йўқ.



“Барселона”нинг ёздаги савдо ишларига бир кўз югуртириб чиқсак. Карлес Пуйоль жамадан кетганидан сўнг “Барселона”ни жондан севадиган мухлислари учун ҳудди ҳаёт тугагандек бўлди. Карлес каталонияликлар таркибида 15та ажойиб мавсумни ўтказди, аммо у жароҳатлардан чарчади ва фаолиятини якунлашга қарор қилди. Испан гранди марказия ҳимоячиларига доимо эьтирозлар бўларди, аммо бу гаплар ҳеч қачон Пуйолга тегишли бўлмаган.

Унинг кетидан жамоани биринчи рақамли дарвозабон Виктор Валдес тарк этди. Кўпчилик бу ишни яхши бўлганини айтиши мумкин, чунки Вальдес кўп қўпол хатоларга йўл қўйар эди, аммо у жамоага фойда ҳам келтирар эди. Шу сабали , янги бош мураббий Луис Энрике ўз вақтини бекорга ўтказмади ва жамоани икки ажойиб дарвозабон билан тўлдирди. Клаудио Браво Сан-Себастянни Барселонага алмаштирди, ундан олдин эса Марк тер Штеген Менхенгладбахнинг “Боруссия”сидан каталонияликлар сафига келиб қўшилган эди.


 
“Сельта”нинг собиқ мураббийининг кутилмаган юришларидан бири Алексис Санчеснинг сотилиши бўлди. Браво билан ЖЧ-2014ни ажойиб ўтказган, “Удинезе”дан катта маблағ эвазига ўтган Алексис Санчес жамоада кўп қолмайдиган бўлди. Иван Ракитич трансферини “Барселона” ўз активига қўшиб қўйса бўлади. Хорват “Севилья” сафида 15 гол уриб ва 17та голли пас ошириб мавсумни жуда яхши ўтказди.
Луис Суарес жамоага келгандан кейин ҳам тўлиқ ишонч билан айтишимиз мумкинки, “Барселона” яна футболчи харид қилади. Бу жамоа ҳозирда матбуот ва мухлислар томонидан катта босим остида бўлиб туришибди. Асосий савол шундаки, бу янги футболчилар бир бутун бўлиб кетиша олармикан. Бир жамоада икки дунё даражасидаги юлдузни кузатиш қизиқ бўлади. Агар “Барселона” ҳужумида Месси ва Суарес жуфтлиги ўйнайдиган бўлса, уларнинг тузилиши 4-3-3дан 4-2-2-2га ёки 4-4-1-1 бўлади ва ўйин аргентиналик ёки уругвайлик футболчи атрофида қурилади.  



Неймарга боғлиқ ҳолат ҳам катта қизиқиш уйғотмоқда. Унга тўланган пуллар туфайли, мураббийлар штаби Неймарга асосий таркибда  жой топиб беришига тўғри келади. Катта эҳтимол билан у қанотда ўйнайди, аммо унинг кучи ҳимояга ёрдам беришга ҳам етармикин. Бизни биринчи “Классико”да катта сурприз кутиб турибди, чунки мураббийлар чизиқлар ўртасидаги мувозанатни топа олиши ва футболчиларни 90 дақиқа давомида тўла куч билан ўйнаши учун рухлантира билиши керак.  

Мадриднинг “Реал” жамоаси таркибни бутунлай ўзгартиришга қарор қилмади. Испания пойтахтида доимо жамоани янада кучлироқ қилишга уринишади ва улар ўтган мавсум қандай қатнашганликларини эсдан чиқаришади. “Реал” ўтган мавсумда Гарет Бэйл ва Асьер Илляраменди учун 123 миллион фунт ишлатган, бу ёзда эса “Қироллик клуби”  натижани янгиламоқчи. Мундиалда чемпионликка эришган жамоанинг асосий футболчиларидан бири Тони Кроос мадридликларга 25 миллион фунтга тушди. Бу трансфер Хедира учун ёмон ҳолат бўлиши мумкин, чунки бу иккала футболчи бир чизиқда тўп тепади.
 


Бу ёзнинг энг қиммат трансфери ҳозирча Хамес Родригес бўлиб турибди. У “Порту” сафида ўйнаган пайтларида катта иқтидор эгаси сифатида саналган, аммо ҳеч ким уни Бразилиядаги жаҳон чемпионатида порлаб чиқади деб айтмаганди. Биз ўтган мавсум Бэйлни барча босимни енгиб ўтганига гувоҳ бўлган эдик. Энди бу имтиҳондан Родригес ўтиши керак.

Ҳужумдаги Роналду, Хамес, Бейл ва Бензема тўртлиги европанинг  ҳар қандай жамоа ҳимоясини сочиб ташлай олади. Варан ва Илляраменди ёш булганларига қарамай улар асосий таркибда жой олишлари мумкинликларини исботлаб беришди ва уларнинг юлдузли вақтлари келади. Биз ўшандагина ҳозирги “Барселона” бошидан кечираётган воқеаларни  “Реал”да кўришимиз мумкин.  

Эслатиб ўтамиз, янги мавсмудаги биринчи “Эль Классико” 26 октябрь куни бўлиб ўтади.


Жасур Асланов тайёрлади.