Спортга бахшида умр

Шунингдек, у ҳозирда Ўзбекистон Про-лигаси иштирокчиси “ПФК Нурафшон-Интер” клуби спорт директори вазифасини бажармоқда. Республика тоифасидаги футбол ҳаками ва FIFA рефериси.

Т.Ташмухамедов ўзи бошқарган спорт масканларида жуда кўплаб иқтидор эгалари вояга етишган.  Улар орасида мамлакат суперлигаси клублари, қолаверса, мамлакат миллий, олимпия, ёшлар ва ўсмирлар терма жамоалари шаънини ҳимоя қилишган. Хусусан, Сервер Жепаров (Осиёнинг икки карра энг яхши футболчиси), Александр Гейнрих, Илёс Зейтуллаев, Игорь Таран, Акмал Турсунбоев, Элдор Тожибоев, Мирзакамол Камолов, Александр Шадрин, Фарҳод ва Фазлиддин Мусаевларни мисол қилиб кўрсатиш мумкин. Маҳоратли шогирдларидан – Алишер Файзиев ЎФА етакчи мутахассиси. Р.Қоратоев вилоят спорт яккакурашлари бўйича Ихтисослаштирилган болалар-ўсмирлар спорт мактабига раҳбарлик қиляпти. Р.Ташухамедов Чирчиқ олимпия захиралари коллежида спорт ишлари бўйича директор ўринбосари бўлиб ишлаяпти. Аюб Исаев - Ўзбекистон миллий чемпионатида учрашув назоратчиси. Владимир Бегларян – Ўзбекистонда хизмат кўрсатган ёшлар мураббийи. Р.Мусулмонов ҳозирда вилоят футболни ривожлантириш жамғармаси директори, О.Ташмухаммедов эса спорт мураббийи бўлиб фаолият юритяпти.

Фурсатдан фойдаланиб, Т.Ташмухамедовга узоқ умр, сиҳат-саломатлик, оилавий хотиржамлик, бахт-саодат, омад, келгуси ишларига улкан муваффақиятлар тилаб қоламиз.