"Сўғдиёна": Жиззах вилоятидаги ОАВ диққатига!
12 feb 2015 15:27
News

"Сўғдиёна": Жиззах вилоятидаги ОАВ диққатига!

«Сўғдиёна» ПФК матбуот хизмати 2015 йилги Ўзбекистон чемпионати ва Кубоги ўйинлари учун оммавий ахборот воситалари вакилларини аккредитациядан ўтказиш жараёнини бошланганини эълон қилади.

2015 йилги Ўзбекистон Чемпионати баҳслари 14 март куни старт олади. Мавсум эса 8 март куни Ўзбекистон Суперкубоги учун баҳс билан очиб берилади.

Ўзбекистон Чемпионати ва Кубоги баҳсларини стадиондан туриб ёритишни мақсад қилган ОАВ ходимлари 2015 йилнинг 16 феврал — 5 март саналари оралиғида «Сўғдиёна» ПФК матбуот хизматига мурожаат қилишлари сўралади.

Хат «Сўғдиёна» ПФК раҳбари номига ёзилган бўлиб, унда аккредитациядан ўтказиладиган ходимларнинг исми, отасининг исми, фамилияси аниқ кўрсатилиши, ҳар бир ходимнинг паспорти нусҳаси, 2 донадан 3х4 ҳажмдаги фотосуратлари илова қилиниши шарт.

Эслатиб ўтамиз, стадионлардаги расмий учрашувларда ОАВ ходимларининг уларга ташкилот томонидан берилган ҳар ҳил турдаги гувоҳномалари ҳеч қандай кучга эга бўлмайди.

Маълумот учун:
+99891 5988100
+99893 3018100

Link :

Source : fcsogdiana.uz

Receive latest football news directly on your phone. Subscribe for our Telegram channel!

Rating: