“Сўғдиёна” йиғинида янгилар бор

Булар – Орифхўжа Абдухолиқов, Алишер Тўхтасинов ва Абдумалик Абдуллаевдир. 

“Локомотив”даги таниқли футболчи Темурхўжа Абдухолиқовнинг укаси бўлган Орифхўжа айни дамда ўзини жиззахликлар таркибида синаб кўрмоқда. Ёдингизда бўлса ўтган йили бу футболчи “Олмалиқ” кўригида ҳам бўлганди. 

Андижонлик Алишер Тўхтасинов эса ўтган мавсумни биринчи лига иштирокчиси “УзДонгЖу” шарафини ҳимоя қилди. Сўнгги пайтларда 26 ёшли футболчи “Андижон”нинг йиғинида иштирок этиб келаётганди. 

Абдумалик Абдуллаевни мухлисларг ортиқча таништириб ўтишнинг хожати йўқ. Мавсум-2015ни “Андижон” таркибида ўтказган ҳужумчи охирги вақтларда “Олмалиқ” кўригида бўлиб қайтди. Эндиликда бу футболчилар Даврон Файзиев бошқарувидаги “Сўғдиёна”дан кўрикдан ўтмоқда. Маълумот учун ҳар уччала ўйинчи ҳам бугун жиззахликлар таркибида “Машъал”га қарши учрашувда майдонга тушди. 

Эслатиб ўтамиз улардан олдинроқ дарвозабон Темур Ғаниев билан ҳимоячи Тимур Кагиров таркибга келиб қўшилганди.